Ni.1.9.2013 ISSUE
                            I FIMKHUR ANG U       II Tim. 4:5            Rbt.T.Lalhmingliana
    Mihring nun kawng hrim hrimah hian fimkhur hi a pawimawh hle mai a. Mi fimkhur apiang te’n thil an ti sual tlemin an daisual lo tlangpui thin. Mi fimkhur lote’n thil an tisual fo thin a, humsualte daiin thil tha lo tak tak an chungah a thlen phah fo thin a ni. Chuvang chuan mihring nunah hian fimkhur hi a tulin a pawimawh em em a, kan fimkhur loh avanga kan tih sual, keimahni chungah mai pawh ni lova midang chung thlenga kan tihsual hi a awm teuh thin a ni.
    Chutiang chuan kan ringtu nun kawng ah pawh hian kan fimkhur hi a pawimawh em em a ni. He khawvelah mi chi tinrengte kan cheng hova, Lal Isua neitu leh nei ve lote kan in chen pawlh nuai mai a, chuvangin ringtute hi kan nitin nunah hian kan fimkhur hi a tul em em a, hla siamtu chuan, “An chhinchhiah bik che, i chet zia an hril, i sawi apiang an ngaithla” tiin a lo phuah chhuak a. Chutiang tak chuan kan bul vela mite hian ringtute hi  kan nun leh chetzia an thlir reng a, kan thiltih leh thusawi te min lo thlithlai reng thin a ni.
    Hei hi ringtu tam takin kan hriat thin loh avangin kan nun kan fimkhur lo hle thin a. Keimahni avangin mi tam takin pianthar an hreh phah fo thin a, hei hi a pawi em em a ni. Keini mi piangthar tawhte nunah hian Lal Isua hmel hmuh an tum fo thin a, kan thiltihah dikna leh rinawmna an zawng thin a, an hmu lo fo thin. Chuvang chuan kan rawngbawlna thleng pawhin a tawrh phah fo thin a, rah kan chhuah thei lo fo thin a ni. Keimahni nun atan ngei pawh hian fimkhur hi a pawimawh em em a, kan fimkhur loh avangin kan awmlohna turah kan awm fo thin a, kan tih loh tur kan ti fo thin a, kan sawi loh tur kan sawi fo thin. Chu kan fimkhur lohna chuan kan nun a rawn vaw let a,a tuartu chu keimahni kan ni leh fo thin. Chuvang chuan kan nunin a tuar a, a lo chau va, tam tak phei chuan kan tluk phah fo thin reng a ni. Ringtu nun fimkhur apiang te’n hma an sawn a, anmahni tan chauh pawh ni lovin midang tan pawh malsawmna an ni fo thin a ni.
    Keini ringtute hian kan nun leh Lal Isua chanchintha a inmawi em tih te, ka nunah hian hian mite’n Lal Isua hmel an hmu angem tih hi kan in enlet fo a tul a ni. Pathian chawimawitu leh ti ropuitu, midangte tana malsawmna ni tur kan nih lai hian kan fimkhur loh avangin Lal Isua timualphotu, thlarau thianghlim ti lungngaitu leh tivuitu, midangte tana nunna kawng daltu kan ni ang tih hi a hlauhawm hle a ni. Kan fimkhurna tur tam tak zingah tlemte lo tarlang ila :-1. Kan hnathawhna ah : Hna chi hrang hrang thawkin, eizawnna kawng hrang hrang kan nei theuh a, chung kan hnathawhna hmunah theuh chuan kan fimkhur tawk em? Lal Isua neitu ka nihna hi ka hna thawhpuite hian an hriain an hmu angem le? Thenkhat chu Sorkar hna thawk, nitin Officce kal thin te kan ni a, Office tan huna kan thlen loh fo te leh, kan hun aia hmaa kan haw fo thin hian kan thawhpuite hian mi piangthar hmuhin min hmu angem? kan thawhpuite bula kan khawsak zia ah te, min dawrtute kan biakna ah te Lal Isua neitu ka nihna ka lanchhuah tir thin em? Heng thil hote ni a kan hriatah te hian kan fimkhur a pawimawh hle a ni. Tin, thenkhat chua kut hnathawk te kan ni a, kan hnathawhna hmunah te chuan Lal Isua neitu kan nihna hi kan lanchhuah tir fo thin tur a ni dawn lawm ni? Kan thawhpuite hian mi piangthar hmuhin min hmu em tihte hi kan inngaihtuah fo a pawimawh hle thin.
    Hnathawhna kawngah hian a bik takin Thalaite kan fimkhur a tul hle in ka hria. Tunlai ah Nu leh Pa, kum lama upa zawk leh chak lo zawk te’n thahnemngai takin hna an thawk a, thalai, kum lama naupang zawk leh chak (Sermon zawmna) zawkte a thawk tlem zawkah kan tang fo thin. Hei hi a pawi em em a ni. Thatchhiat leh ringtu nih a inmawi lova, ni piangthar tak takte an thatchhe ngailo a ni tih hi kan hriat a, thatchhe lo tura kan fimkhura tan kan lak a ngai hle a ni.
    2. Kan tawngkam hmanah : Ringtute chu kan tawngkam hmanah te leh mi kan biangbiak danah te, kan thilsawi duhzawngah te pawh kan fimkhur a ngai tak zet a ni. Mi thilsawi ang apiang sawi ve thei kan ni tawh lo a ni tih te hi kan hriat nawn fo a tha. Kan tawngkam chu chi a al, khawngaihna tel a nih theih nan i fimkhur teh ang u.
    3. Kan mit hmuh leh beng hriatah : Heng ah te hian kan fimkhur a va pawimawh em! Kan mithmuh leh benga kan hriat te hian suala min hruai luh fo thin avangin hengah te hian ringtute hi kan fimkhur a ngai hle a ni.
    A tawp berah chuan, ringtute hi tlang chunga awm, mi zawng zawng hmuh leh chhiar kan nih avangin kan thiltihna kawng engkimah kan awm dan leh Krista chanchintha a inmawi theih nan fimkhur takin kan nun i hmang ang u.


Environment humhalh  tih hian ram leilung chhe zel te, thing leh mau rem zel te, nungcha mang zel te, boruak leh tui bawlhhlawh mek te humhalh leh venhim a tulzia inzirtirna a ni ber a. Heng kan han tarlan tak te hi kan ngaimawha, a chhe zel tur laka invenna kohhran ho hian kan ngaih pawimawh loh chuan chhiatna zakhua kan la tawng dawn a ni tih hriaa theihtawpa tan la tura inzirtir hi a tul hliah hliah a ni. Mihring dinhmun hmasawnna leh chanvo inang tlanga kan chan theuh theihna tur leh chhehvel thil tichhe lo thei ang ber leh khuanu ruat sa timang lo zawnga ei-bar zawnna ngaihtuah leh hlawk leh thil tichhe tlem thei ang ber ngaihtuah a pawimawh hle.         Sawrkar programme a ni emaw mimal sumdawng thil tih a ni emaw a rama thil awmte tichhe tur leh a mi chengte tawrhna thlen thei sum hmuhna a nih phawt chuan a him tawk lo a ni. Kan veng, kan khua, kan rama ruahmanna awmah hian kan tel ve em le? Ram leilung kan hman dan te, ei-bar kan zawnna te, thing leh mau kan mamawh dan te, nungchate chunga kan rilru put hmang kawng hrang hrang hian mimal nun a nghawng a, vantlang nun a nghawng a, ram hnuk a khawih phak vek avangin fimkhur taka kan kalpui a tul a ni. Kan neih sa kan hman tangkai dan leh kan renchem dan hian kan tangka ip a nghawng tel zel avangin mi tinin mahni tih theih tawk theuh kan tih a pawimawh hle. Leilung leh a chhunga thil awmte kan ren thiam a, kan humhalh that chuan keimahni nawmna tur vek a ni tih hriaa ngaihtuahna thar kan hman a tul hle. Mi tinin mahni awm hmun theuhah heng Chhehvel tichhe tlem thei ang bera khawsak zir ila, Polythene bag hmang tlema, puan emawa siam bag uar zawk a va hun ta em!. A remchan phawt chuan no pangngai, hman nawn theih hmang uar ila, paih mai theih no ang chi te hi i intihhmuh lo teh ang u. Ram leilung tibawlhhlawhtu, hal khu hriselna atana pawi thei, paiha tawih ral si lo, a then fai nana tha leh sum tam tak sen ngai a ni tlat mai.si.
    Mahni ram thar chhuah ngaisangin a ei pawh i uar lehzual ila, Ram dang thil chawk luh nan hian tha leh zung, sum leh pai, ram hausakna thlengin a kal ral nasa si a, Mahni tharte hi a man a tlawm ve pawh a pawimawh khawp mai. A rem phawt chuan thing hi phun zel mai ila, a awmsa phei chu hawh u tha takin i humhalh tlat ang u. Thing a tam poh leh tuihna a tha a, ram a hnawng a, boruak a thianghlim mai dawn si a. Ram leh a chhunga awm thil tinrengte hi kan tana hna tangkai thawk vek an ni a, kan mamawh tih hriat reng tur a ni. Kan nun khaw nawm leh zualna tur nia kan ngaih, khawsak awlsam zawkna leh thiam thil hmasawnna pawh hi kan sum tlang tihek lo leh leilung leh a chhunga awmte tina lo zawngin a kalpui theih a ni tih hi i vawng reng ang u.


September thla chhunga USHER turte :
1.     Tv Cms Dawngliana(Leader)
2.     Tv C. Lalhriatrenga
3.     Tv Lal Zarzova
4.     R. Malsawmkimi
5.     Nl Lalfamkimi Ngente
6.     Nl Saizikpuii sailo
7.     Nl Ngurthansangi Sailo


Vawiin Sunday School Zirlai Zirtur te:
Beginner     : Zirlai 22-na. ‘Isua pian thu’.   Changvawn    : Isaia 9:6 (a).
Primary              : Zirlai 22-na. ‘Isua’n naupang chhang a hmang.’         Changvawn    : Joh. 6:35
Junior        : Zirlai 22 na. ‘Israel chanchin: Roreltute hun lai’.          Changvawn : Deut. 5:8.
Intermediate    : Zirlai 22-na. ‘Lawmnaa khat Hani’  Changvawn     : Phillippi  4:4.
Baptisma    :Zirlai 22 na. ‘Thlarau thianghlim leh a hnathawh’    Changvawn : Johana 11:16.
Senior ‘A’    : Zirlai 22-na. ‘Pathian chibai buk’  Changvawn     : Johana 4:24.
Senior ‘B’    : Zirlai 22-na. ‘Chanchintha hril tute tana hriat tur tulte’.      Changvawn : Rom 10:15.
Vawiin Sunday School tantu  :    Tv.R.Hmingthanmawia.


Nl. Malsawmliani, kan Missionary pawh a dam tha a, Zirtawp zan khan a lawina Kohhranah thu sawiin vawiin hian a lawina Kohhranah bawk Apatani tawngin thuchah a sawi leh ang. Baptisma chang turte Interview an neih pui bawk ang a, Zanin hian thuchah a sawi leh ang. Tawngtainaah i hre reng ang u.
*    Pu. C.Lalngilneia te chhung pawh an dam tha a, School pawh tluang takin an la kalpui zel. Rawngbawlna chanchinthar em em an nei rih lo. I tawngtaipui zel ang u.
*    Khawtlangah chhiat tawk kan awm nual avangin Evangelical Cell Programme pawh siam rih loh a ni a, remchang hmasa berah chhunzawm leh tura tih a ni.
Kohhran chhungkua-a Damlo kan hriat theih chin te:- 1. Pi.Thuamliani   2. Pi.Laithangpuii     3. Pu.C.Mawia                       I tawngtai pui ang u. Hmaih palh a awm a nih chuan ngaihdam kan dil e.
*    Chanchinbu chungchanga harsatna leh sawisel duh leh thurawn nei chuan Editorial Board hnenah thlen theih reng a ni a, Sermon leh Article ziak thei te chuan inthlahrung lovin rawn ziak zel teh u.

Ni. 25.8.2013 ISSUE
I INPEIH EM?    (Mathaia 25:13)     Rbt. H.Lalramhluna
    Mihringte dam chhung kum hi Mosia chuan chiang takin kum 60, chakna avangin kum 80, chumi bak chu thawhrimna leh lungngaihna mai a nih thu min hrilh a. Puantah tu-in a puanbu a zial ang hian kan damchhung ni hi zialin a awm ngei dawn a, Puantah tu’n a Thembu a ta Puan a chep chhum ang hian kan tawp hun hi a thleng ngei dawn a ni. Nimahsela, Pathian thu chuan mihringah chuan chatuan a dah a ti a, chu chatuan mi kan nihna taka chu kan hriatchian a tul a, chu chatuan hun ngaihtuah chuan kum 80 hi chu mitkhap kar ang chauh a ni tih hi a dik tak meuh meuh a ni.
    Mihring te hi Pathian in a siam dawn hian Vaivut (Lei) in a ruangam a din a chu ruangam ah chuan Pathianin  a pawl theih turin Thlarau(Nunna thaw) a dah(thawlut) a, tichuan Mihring chu Minung a lo ni ta a ti a. He Thlarau kan neih, kan nunna tak a hi ral ve tawhlo tur leh thi ve tawhlo tur, chatuan mi kan nihna chu a ni a. Kan lei taksa erawh hi chu damchin nei leh tawpchin nei a ni thung a ni. Chatuan mi kan nihna erawh hi chuan tawp hun emaw ral ni a neih ve dawn tawh loh avang hian i chatuan hmun tur i dawn changin i lung a awi em le?
    Mihringte damchhung hun chu Phul Pangpar angin a tehkhin a zingah chuan mawi takin a lo par chhuak a, tlai lamah chuan a lo vuai a, a chuai leh mai ang hian Mihringte pawh hi kan vanglaini ah chuan mawi takin kan taksa leh hmelte pawh duhawm takin a par a, TKP kan nih hun chhung ah phei chuan a mawi em em a ni. Mithiamte chuan mihringte hi kum 40 hma zawng chu kan thang a, mawi takin kan par a, kum 41 atangin kan uaithla leh a, vanglai a chuai leh tan a ni an ti a, chutiang chu nimahsela kan khualzin kum tur hi tumahin kan hre lova, thenkhat chu kum khat lek an khualzin hun hmang te, kum 10, 20, 30 tiang chuan thlanmual ah hian en ta ila kum bithliah a awm lo a ni tih chiang takin kan hria a ni.
    Hetiang ang mihring, mahni hun pawh hrelo kan nih avang tak hian Lal Solomon-a chuan, “ Thalaite u, in that lai chen ula, in la naupan viau lai hian hlim rawh u, amaherawhchu in chungah Pathianin ro a rel dawn a ni tih hre reng ang che u” tiin thalaite hnenah thuchah a nei a, a pawimawh hle a ni. Kan that lai ngei pawh hian kan khualzin kum hi tawp mai thei a ni tih kan hriatchian a pawimawh. Pathian rorelna kan hmabak a, chu rorelna chuan chatuana chawlhna leh chatuana boralna(hremhmun) kan chan tur a rel fel hun a nih tawh dawn avangin, “Kan chungah Pathianin ro rel dawn a ni” a tih hi kan fimkhurna tura min pho lan sak (Vaukhanna) a ni. Chuvang chuan chatuan mi kan nihna a kan thlarau chawlhna tur lungkham leh ruahman fel tura kan damchhung hun reilo te hi kan chance neih chhun a ni tih hria a, Lalpa tana am taka hmang tur kan ni tih kan inhriat thar leh a pawimawh tak zet a ni.Hla siamtu chuan inpeih lote inpeih a hun, sual tihchah pawh a hun ta e, kan tan khua a tlai hma hian hnunglam paiha hmalam umin, tawngtai leh pianthar a hun ta a tih ang hian muang thei kan ni lova chawl hman kan ni tawh lo tih i hre thar leh ang u. Thalai huaisen, khawvel tlansan ngam TKP member kan nih a hun tak meuh a ni.
    Awle kan damchhung ni kan hman dan hian kan chatuan hun hman dan tur reltu a nih avangin tun hun ah hian ka la inpeih rihlo a nih chuan nakin atan khek chi a ni tawh lo, tun hun ah hian Lal rawng kan bawl theilo a nih chuan, nakinah ti a indah that chi a ni tawh lo. Hun a tlem ta khawngaihna hun zahngaihna ni a liam tan ta tih i hre mawlh ang u.Kan damchhung hun hi Thawnthu angin a la tawp dawn a, nang leh keia chanchin hi engtin nge an zial anga, van lam hian engtin nge a lo chhinchhiah ang le? kan hun kal tawh ah khan kan chanchin hi  a lo ngaihnawm tawhlo a nih pawhin kan thawnthu tawpna tur lam ah tal hi chuan  ngaihnawm taka a tawp theih nan theihtawp chhuah in i inbuatsaih ang u.  “ Hetah hian khawhmun nghet kan nei si lova”  tih ang hian kan chatuan Pa lenna ram ah kan haw thuai dawn a ni tih hria in, lawm taka amah tawk turin inbuatsaih theuh ang u.  Amen.

Programme :                KOHHRAN
Ni. 25.8.2013 Zing    : Upa Lalthanga.
Ni. 25.8.2013 zan    : Upa. Lalchhuanthanga.
Inkhawm hruaitu    : Rbt. Zachhingi.
Ni. 28.8.2013 Nilai zan        : Upa R.Vanlallawma.
            TKP
    25th August, 2013 Fellowship Programme
Hruaitu        : Nl. Lalrodingi
Tantu        : Nl.Saizikpuii Sailo
Hla thlangtu    : Nl. F.Lalbiakhlui
Bible chhiar    : Tv. MS Dawnga.
Thuchah    : Nl. R.Lalramdinmawii
Extempore Speech    : Pu. T.Zabiaka.
Evangelical Cell Tlai chawnghei tawngtai
Hruaitu : Nl.K.Lalhriatpuii.
Zan Inkhawm ban tawngtai hruaitu : Tv.Lalneihkima.
            BMP
    Ni. 25.8.2013 Fellowship Programme :
Thuzir Hruaitu    : Pu. Lallawmawma.
    Zirlai 12-na zir tur a ni ang.
            KNP
    Ni. 18.8.2013 Zing Inkhawm Programme:
Hruaitu        : Pi.Vanlalhnemi (Leader)
Tantu        : Zonunpuii.
Hla thlang    : Nancy Zohmingsangi.
Thawhlawm    : PC.Lalremruati & Lalchhanhima.
Inkhawmpui ami tur Thu leh Hla zir nghal tur a ni ang.
BKHP
    Ni 25.8.2013 Sunday Programme :
Sumtuak Fehchhuah neih tur a ni
Hruaitu            : Pi. Remziki.
Ni. 26.8.2013 Thawhtan Zan Inkhawm Programme
Hruaitu            : Pi. Rebec Lalthangmawii.
Tantu            : Pi. F.Ramdinsangi.
Thilpek Lakhawmtu     : Pi. Lalsangliani Sailo.
Thuchah        : Pi. Remziki.
Zirtawp zan Tu leh fate Pual    : Pi. Zopari.

Vawiin Sunday School Zirlai Zirtur te:
Beginner : Zirlai 21-na. ‘Nghapuiin Jona a dawlh’.   Changvawn    : Tirhkohte  3:19 (a).
Primary              :
Junior        : Zirlai 21 na. ‘Israel chanchin: Kanaan ram luh hun lai’.  Changvawn : Joshua 1:8.
Intermediate    : Zirlai 21-na. ‘Ringtute vanduaina leh Joba tuarna’  Changvawn : Rom  8:28.
Baptisma    :Zirlai 21 na. ‘Kohhran Inrelbawlna’
Changvawn : Tita 1:5
Senior ‘A’    : Zirlai 21-na. ‘Midangte tana Malsawmna’  Changvawn : Genesis 12:2.
Changvawn     : Matthaia 18:19.
Senior ‘B’    : Zirlai 21-na. ‘Israelte kal sualna-chanchintha an hnawl’.  Changvawn : Rom 10:10.
Vawiin Sunday School tantu  :    Pi.Vanlalhnemi.

Article : Protestant Kohhran hi mipui tam zawk duh dana kal kan ni a. Hemi avang hian kan zalen a, tlawmngai pawl ang maia kalna chin pawh a awm thin. Hei hian thatna a nei a, that tawk lohna pawh a nei a ni. Chuvangin, hruaitu hian hun a hmang thiam tur a ni. Pathian biak inkhawm hruaitu mawhphurhna hi a pawimawh em avangin kohhran tam berah chuan Ordained Minister leh Upa te chauh ruat an ni thin. Pathian Biak inkhawma hruaitu tana hriat tur tlem i han tarlang teh ang :
    1. Thil tul lo, ama chanchin emaw khawvel thildang chanchin emaw a sawi duah tur a ni lo. 2. Pathian chibai buk tura mipui lo kal ten thinlung taka Pathian chibai an buk theih nan an rilru a buatsaih tur a ni. 3. Hruaitu chu a kal tlai tur a ni lo. Mipui an thut thup tawh hnu a hruaitu thutna a ruah chuan mipui rilru a hnual thei. 4. Hruaitu chuan thuhma sawi duah lovin ziaksa enin fel takin inkhawm a kaihruai tur a ni. Hei hian inkhawm a tizahawm a, hun pawh a titawi thei a ni.
    Call to Worship : Hei hi Pathian chibai buk tura mipui sawmna a ni. Entirnan, ‘Aw lo kal rawh u, Lalpa chawimawiin hlim takin i zai ang u’ tih thu hmang hian hlim hmel pu takin mipui lam hawiin hruaitu chuan mipui sawm se, Bible chang hi vawng thei se a tha. Hruaitu chu Pathian chibai buk tura mipui rilru buatsaihtu a nih avangin thil ho mai mai leh mipui nuih dur durna tur fiamthu te a thawh tur ani lo.
    Invocation : Hei hi Pathian malsawmna dila tawngtaina tawi a ni. Malsawmna dil hma hian Pathian ropuinate, thianghlimna te, thiltihtheihna te leh hmangaihna te uar taka puan hmasak a tha.
    Pathian fakna hla : Worship Service ah hian mahni inbih ngeih ngeihna lam hla ai chuan, pathian ropui rawh se, chhandamna petu, tih angte a bul tan a tha.
    Khuangpu : Khuangpu tha chuan tui takin mipui a zai tir thei. Khuang ben/vuak hi Musical Instrument dangte ang bawka zir leh thiam theih a ni a, kan zir a, kan infuih zel pawh a pawimawh ang. Khuangpu chuan Tonic Solfa tal a thiam tur a ni.
    Keyboard : Biak In tinah Keyboard kan hmang tawh a, Keyboard zir tur pawh Kohhran hian a ngaihtuah thin. Amaherawhchu tun thleng hian kan mamawhna leh beiseina min la phuhru zo lo hle a, heti lamah hian tan kan lak pawh a pawimawh hle a ni. Inkhawm kal laia zawi muang fan raiha Pathian fakna hla an han tum riai riai hian Pathian be turin mipui rilru a buatsaih thei a, Biak In hi Keyboard zirna hmun a ni lo tih hi hriat reng tur a ni. Keyboard inkhawm kal laia a lo tum riai riai tur leh hla sak ho tur dangte hma deuhin Hruaitu tur hian pe thin se hma kan sawn a rinawm.


Beirual thuzir chungchang hriattirna.
Administrative Committee chuan kumin 2013 atangin Beirual Thuzir hun atan September 21-30 a ruat a. Amaherawhchu inhriattirna hun duh angin a neih hma theih loh va. Tualchhung Kohhran eng emaw zatin September thla chawhnu lamah programme lian leh pawimawh tihdanglam chi loh kum tir atanga ruahman kan nei tih hriat a ni a. Chuvangin BCM Puipate leh Head of Department te inrawnkhawm chuan programme lian leh pawimawh lo ruahman lawk tawhte chu lo ruahman lawk anga kal mai ni se; chawhma lama Thuzir tura lo inruahmante pawh tu mah inthlahrung lovin tum tlang mai ni se tih a ni. Nakum (2014) atang chuan September 21-30 hi kum tin Thuzir hun atan hman theuh tawh tur a ni tih kan inhriattir nghal a ni e.       Sd/-General Secretary,

Nl. Malsawmliani, kan Missionary pawh a dam tha a, Baptisma chang turte tunlai hian Class an neihpui mek a, Zirtawp zan khan a lawina Kohhranah thu sawiin kar leh Nilai zan hian a lawina Kohhranah bawk thuchah a sawi leh ang. Tawngtainaah i hre reng ang u.
*    September Thla tir atang hian Revival Camping, Chanchintha chhuangtu Team te ruaiin neih tur a ni dawn a, Kohhran mite Camping a lut turin i lo inbuatsaih ang u.
*    Ni. 28 & 29, Aug. 2013 hi Assembly Executive Committee hun tur a ni.
*    Bialtu Pastor Programme : Theiriat Pastor Bial TKP Inkhawmpui ah Speaker turin nimin khan Lungleiah pheiin Ni. 28 & 29, Assembly Executive Committee a hmang nghal ang.
*    Mizoram Baptist Kohhran, Finance Department chuan kumin kum kal lai mek, April – July, 2013 chhunga Assembly Target hmuh dan a tarlang a. Thla li chhunga sum lo lut hi Target atanga chhutin 35.43 % a lut tawh a. Thla 8 hmabak kan la neih-ah hian kumin Financial Year atana Target kan neih chu Pathian leh Kohhrante zarah kan tlin ngei a beiseiawm hle a ni.
*    Kohhran chhungkua-a Damlo kan hriat theih chin te:- 1. Pi.Thuamliani   2. Pi.Laithangpuii     3. Pu.C.Mawia                       4. Pi.Lalthangliani.  I tawngtai pui ang u. Hmaih palh a awm a nih chuan ngaihdam kan dil e.
*    Pu. C.Lalngilneia te chanchin kan hre thei lo tlat mai. A contact No. nei chuan min lo pe teh u.  

       Ni. 4.8.2013 ISSUE
 ‘ LALPA HMAN TLAK ’ -Rbt. H.Lalhunthara
Thalai Kristian Pawl Serchhip Unit in BCM SERCHHIP AW a ti chhuak thei hi a lawmawm hle a, Kohhran tan hmanraw tangkai tak a nih ka beisei tlat a ni. BCM Serchhip Aw chhuak hmasa bera hruaituten thuchah tarlanna remchang min pe hi Pathian leh hruaitute chungah lawmthu ka sawi a ni.
Zoram ringtute heti zat awm zingah LALPA hman tlak loh tam tak kan awm si hi inngaihtuah chian a tul hle in alang a ni. Lalpa mi hman tak takte kan hre thin a, an mahni kal tlanga Pathian hnathawh leh a ropuina a puan chhuahte kan hmu in kan hre thin a, hetiang kan hmuh chang hian Pathianin hetiang atan hian min hmang ve se kan ti fo thin. Pathian hnenah pawh a hman atan kan inpe in kan in hlan thar fo thin a, nimahsela kan beisei angin Pathianin min hmang mai thei silova, kan beidawng fo thin a ni.
Doctor hna thawk tur chuan Medical, Science lam thiamna neih a ngai a, Electronics lam siam tur pawhin hetiang lama thiamna neih a ngai a, Khawl lam siam tur pawhin hetiang lama mi thiam an awm a tul thin. Sipai tang tur pawhin mi zawng zawng tan a tan ngawt theih loh ani. Chutiang bawkin Lalpa hman tlak ni tur chuan tuna kan sawi tur hi kan hriat a kan zawm a ngai ani. 1. Thianghlimna : Thianghlimna tel lo chuan Lalpa hman tlak a nih theih loh a ni tih kan hriat a tul. Kan nitin nun, kan eizawnna ah te, nula tlangval kan inrim tawnna ah te, kan thian kawmna ah te he thianghlimna hi kan vawn reng loh chuan Lalpa hman tlak a nih theih loh a ni. 2. Lalpa pawl thin : Nitin Lalpa pawl thin leh Pathian duhzawng hretute hi Lalpa mi hman te an ni fo thin. Pathian pawlna(Tawngtaina) hmang ngailo te hi Pathianin a hmang tak tak ngailo a ni. Chuvangin Lalpa hman tlak ni tur chuan Pathian pawlna tha neih a ngai a ni. 3. Inpekna a ngai : Pathianin Isaia a koh khan, “Kei heta hi ka awm, min tir ta che” tiin Isaia’n a chhang a. Tun huna keini ringtute pawh hi Kohhran kaltlangte, FOD Committee peng hrang hrang kaltlanga mawhphurhna hmangin Pathianin min ko thin a, heng kohna Pathian Aw a ni tih hria a pawm thin tute hi Pathian mi hman an ni fo thin a ni. Rom 12:1 ah chuan, “In taksa chu inhlanah ka ngen a che u, chu chu in rawngbawlna awm reng a ni” tih kan hmu a, Ka chauha inpek hi a tawk lova, taksa ngei a tel hi a tul a ni. Inpekna hi Taksa, rilru, thlarau a nih a ngai.
4. Hrehawm tuar a ngai : (II Tim. 4:5) Kross kawng hi mihringte ngaihah chuan hrehawm a ni fo thin. He kawngah hian tahna te, tuarna te, thihna te, channa te a awm a ni. He kawng zawhtute hi Lalpa mi hman te an ni thin. Lalpa hman tlak ni tur chuan, he kawng hi kawng danga pen san theih a ni lova, Lalpa rinchhana zawh zel a ngai a ni.
Awle Lalpa hman tlak ni turin i inbuatsaih thar theuh ang u. Thianghlimna kawngte, Tuarna kawng zawh tur te leh Tawngtaia Lalpa pawl thin a, Lalpa min kohna chhang tura taksa ngei pe chhuak tur te in kan in sawm a ni.
Lalpa’n a thu malsawm rawh se.  AMEN.

Vawiin Sunday School Zirlai Zirtur te:-
Beginner : Zirlai 19 na. ‘Solomona’n finna a dil’.
Primary  : Zirlai 19-na. ‘Midang hek thatloh zia’.
Junior: Zirlai 19-na. ‘Israel chanchin-Aigupta a awm hunlai’.
Intermediate : Ennawn. Zirlai 16 - 18 na ennawn a ni anga, Appendix (Missionary Sunday) ami  a tel bawk ang.
Baptisma : Zirlai 19-na. ‘Lalpa zanriah pawimawhna’.
Senior ‘A’ : Ennawn. Zirlai 16 - 18 ennawn a ni ang a, Appendix IV (Missionary Sunday) ami a tel bawk ang.
Senior ‘B’ : Zirlai 19-na. ‘Tunah tuarna-nakinah ropuina’ tih zir tur a ni ang.
Vawiin Sunday School tantu   :   Tv. CMS Dawngliana.
(Kan sawmna ngaipawimawh-a, Sermon ropui tak min ziah sak tu Rbt.H.Lalhunthara chungah lawmthu kan sawi e.)     Editor.

           KOHHRAN
Ni. 4.8.2013 Sunday Zing : Rev. L. Rawna.
Ni. 4.8.2013 Sunday Zan : Rbt. H.Lalramhluna.
Inkhawm Hruaitu : Upa T.Romama.
Ni. 7.8.2013 Nilai Zan : Rbt. Lalbiakliana.
Ni 10.8.2013 Inrinni Zan : Upa T.Zakunga.
Inkhawm Hruaitu : Upa. F.Sawithanga.
August thla Mike Operator : Pu.T.Vanrammawia.
Deacon : 1. Upa Lalthanga.   2. Rbt. C.Zolawma.
Musician : 1.Pu.F.Lalrinawma  2. Tv.Samuel   LS. Zuala.
Hla hriltu turte   :   Nl.K.Lalhriatpuii   &   Pi.Lalremruati.
Zai hruaitu : Rbt. LP.Lalsanglura.
TKP
      Ni. 4.8.2013 Sunday Fellowship Programme:
Hruaitu : Nl.R.Malsawmkimi      
Tantu : Tv.Lalzarzova.
Hla thlang : Nl.Jessica Lalruatmawii
Bible chhiar : Nl.Lalhruaitluangi.
Thuchah : Tv.Vanhmingliana.
      Missionary Pual Tlai chawnghei tawngtai
Hruaitu : Nl.Lalnunengi.
Mahni ei ai ken khawm tur a ni.
   Zan Inkhawmban Tawngtai Hruaitu : Nl.T.Lalbiakfeli.      
Ni 5.8.2013 Monday Zan  Programme
Hruaitu : Pu.T.Vanrammawia.
Tantu : Nl.Lalfamkimi.
Hla thlang : Tv.F.Lalneiha    
Solo : Nl.R.Malsawmkimi.
Thuchah : Pu.C.Lalhruaitluanga.
August thla Usher turte:
1.Tv.David Lalfakawma (Leader)  2.Tv.John Vanlalzama
3.Tv.Lalruatkima Sailo. 4.Nl.T.Lalbiakfeli.
5.Nl.Lalnunengi   6.Nl.Zosangzeli      7.Nl.J.Lalrinzuali.
BMP
  Ni. 4.8.2013 Sunday Fellowship
Hruaitu : Tv. C.Lallunghnema.
BCM Serchhip Kohhran Upa zat : 7
Rawngbawltu zat : 10.

BKHP
   Vawiin Fehchhuah Programme :
A hmun : Rbt. C.Zolawma te In, Zozam Veng.
A hun : Sunday School ban.
Thu zir kaihruaitu : Pi.Lalhmunmawii.
Zirlai 8 na zir tur a ni ang.
Ni. 9.8.2103 Zirtawp zan Tu leh fate pual tawngtai:-
Hruaitu : Pi. Vanlalremi.
KNP
          Ni. 4.8.2013 Sunday Zing kar Inkhawm.
Hruaitu : Nl.Lucy Lalmuanpuii,
Tantu : Esther Zonunsangi
Hla thlang : K.Lalrinkima.
Thilpek lakhawmtu : Lalpekhlu-a     &   Lalvensangi.
Inkhawmpui lo awm tur atan thu leh hla an zir bawk ang.
Bialtu Pastor Programme :
Ni. 1.8.2013 zan atanga zirtawp zan thleng khan N.Serchhip Kohhranah TKP pual Revival Camping ah Speaker niin hun a hmang a, Ni. 5.8.2013 atanga tan turin Lunglei Farm Veng Kohhranah Revival Camping Speaker a ni ang. Rbt.H.Lalramhluna leh Pu.C.Lalhruaitluanga ten harsatna dang a awm anih loh chuan an tawiawm theih beisei a ni.
Kohhran tihnghehna tha ber chu chanchin tha hril a ni.
Krista avangin engkim ka kalsan a, Krista avangin engkim ka hmu let leh.  -  John Calvin.
Kan chanchinbu hi a head-a Website leh email kan dah ah khian chhiar leh thu ziak thawn theih reng a ni e. Ed

Editorial : Tunlai khawvel changkang zelah Kohhran hote pawh hian changkan lam kan pan ve zel a, Media lam a than chak ang zela Kohhran te pawh kan than ve zel a pawimawh. Hun rei tak chhung TKP ten chanchinbu an lo kalpui tawh , rokhawlhna leh harsatna eng eng emaw vanga kalpui tawh loh chu tunah hian chhunzawm leh an ni ta hi a lawmawm hle mai. Kohhran hote’n tangkai taka kan hman thiam a pawimawh hle ang. Unit TKP te thahnem ngaihna leh rualawhna avangin kalpui leh tan a ni a, a enkawltu Unit TKP te pawh kan fin chhuah a tanpui an ngaihna zawna tanpui a kan thawhpui hi Kohhran hote’n kan bat a ni tih i hre reng u. A chhiat a that ah Kohhran hmel lanna ber a nih dawn avangin thahnem i ngai tlang teh ang u.
A man chungchang pawh hi ngun taka ngaihtuah a ni a, sum lamte harsa lova a thlawna han tih chhuahte pawh kan duh reng laiin sum lam harsatna avangin tunah chuan kan thei rih silova, Pathian zarah tih theih hunte pawh a la awm kan beisei. Chhungtinah a na lo thei ang ber tura thla khata Rs. 10/- a khawn ve nise kan ti a, Kohhran chhungkua te pawh min lo hrethiam turin kan han beisei ngawt mai che u a ni. Khawvel changkang zelah Kohhran tin deuhthaw in chanchinbu an nei ta a, kan rualawhnate ti puitling a hma lam pan zel turin Kohhran hote min thawhpuina kan ngen tak meuh meuh che u a ni.
Sermon chhuah tur ziak leh thu chhuah tur chungchangah tumah inthlahrung lo turin kan in ngen a, Kohhran chanchinthar ngat phei chu in hriattir zung zung turin kan beisei tlat che u a ni. Thu chhuah tur ziak chungchangah Kohhrante tan kan lak a ngai hle mai. Ziaka rawngbawlna hi Missionary tluk tho-a rawngbawlna ani a, Taihmak chhuah hram hram ang u. Tangkai taka chanchinbu hman hi Kohhran mipui ten kan tih tur a ni tih i hre theuh ang u.

         KOHHRAN THU THAR
* Ni. 2, August 2013 (Zirtawpni) kha Kohhran Upa Exam ni a ni a, kan Kohhran pawhin Exam mi pahnih Rbt. LP.Lalsanglura leh Rbt.H.Lalramhluna te a nei ve a, tha taka Exam an nei thei a, an pass ngei kan beisei.
* Vawiin hi thlai thar hlan ni a ni a, kan thlai thar neih te hlan turin kohhran hote i inbuatsaih ang u.
* Baptist Church of Mizoram, Mission Board Committee meeting, July 23-24, 2013-a thukhawm chuan Missionary tur pali a la thar leh ta a, heng Missionary lak thar te hi Orientation neihpui an nih hnu-ah  Tirhchhuah Inkhawm neihpui an ni ang a. August thla chhungin an thawhna hmun theuh thleng hman tura ruahman a ni. An thawhna hmun tur  hi Mission Board Committee aiawhin Headquarters a Mission changtuten an la siam dawn a ni.
 Missionary lak tharte :-
1.C.Lalremruati, D/o C.Zokunga(GNM) Lawngtlai AOC
2.R.Lalthuammawii, D/o Zawlhmingthanga Ralte (BA Hons ;BCA) W.Bunghmun
3.Vanlalbiaktluangi Sailo, D/o Lalzara Sailo (BA Hons;M.Div.) College Veng, Lunglei
4.R.Lalrindika, D/o  R.Lianzuala (MA Pol Sc.) Zobawk Vengthar
 Heng bakah hian Missionary thawk mek. Temporary Post atangin  Pu H. Lalhuliana, Evangelist Teacher(HM), Bethbunya chu Substantive Post-ah hlankai a ni a. Tin,  Contract Basis a thawk lai,  Pu P. Lalrinsanga, Evangelist Teacher, Nghalimpui chu Temporary Post-ah hlankai a ni bawk.
* Kohhran chhungkua-a Damlo kan hriat theih chin te:-
1. Pi.Thuamliani     2. Pi.Laithangpuii      3. Pu.C.Mawia   4. Pu.LH.Zosangliana.  5. Tv.R.Lalremsiama.                    6. Pi.Lalbiaknii.  7.Pi.Lalthangliani.  8. Pi.Lalhmunliani
 I tawngtai pui ang u.
* Rev.J.Lalduhawma te chhung, kan bialtu Pastor kal chhuak ta te chuan tun thla hian naute an neih beisei a ni a, a nu leh naute hi Passport/VISA an ti fel nghal ang a, October thla tawp lamah an thawhna hmun tur Cambodia pan theih an in beisei bawk. Tunah hian BCM Office ah Platinum Jubilee lam buaipui turin an chhawr mek.
* Kan Missionary Nl.Malsawmliani lawina Rake Kohhran chu vawiin hian Union Baptist Thalai ten an tlawh. Amah a dam tha a, rawngbawlna pawh tha takin a thawk zel e.
* TKP Serchhip Unit Evangelical Cell hma lakna in tunlai hian Home visit programme neih thin a ni a, Ni. 1.8.2013 Ningani zan khan Upa C.Lalsanga (L) te inah hun hman a ni a, Programme tha tak leh hlim taka hun hman a ni.
* TKP Member Zirlai hlawhtlingte: Kan hriat theih chinah hengte hi an Zirlaia hlawhtlinna neite an ni.
1. Nl.Lalropuii    BSc. (Physics) 2nd position, Mizoram.
2. Tv.R.Lalruatmawia.      BSc. (Agri) 1st Division.
3. Tv.PC.Lalrinliana.         MA English, II Division.
4. Nl.R.Lalsiamliani.         M.Com. Ist. Division.
5. Tv.Lalzarzova.      BA,  III Division.
Tih hmaih palh ah ngaihdam kan dil e.
* Kan Senior Pastor Rev.L.Rawna chu Ni. 30.7.2013 kha a kum 70 tlinna a ni a, Pathian hnena lawmthu sawina hun an hmang. I tawngtai pui zel ang u.
* Naktuk Ni. 5.8.2013 hi Serchhip Unit BMP Day vawi 19 na a ni a, Kumina an plan pakhat, Kohhran thleng dahna siamin hnatlang an nei ang a, Hunserh hmangin Tlai lamah ruai theh a ni ang.
* Vawiin hian Pu.C.Lalngilneia, kan Missionary chuan Hartii Baptist church ah thu a sawi ang. School Naupang 170 an nei mek a, a zatve aia tam hi ringlo mi an la ni. Hosteller 38 an nei mek bawk. Kuminah Mathematics Teacher an neih loh avangin Mathematics lak tir a ni. An nu-in nau a pai ve mek a, I tawngtai pui ang u.

Ni. 11.8.2013 ISSUE
Sermon:                     ‘KA THLARAU ZAWKIN LE ’  (Zak. 4:6)        Rbt. LP.Lalsanglura.
               ‘Chakna lovin, thiltih theihna ni hek lovin, ka thlarau zawkin le’
        Kan chang tarlanah hian Pathianin chakna leh mihring thiltih theihna hmachhuan thin hi a ngaisang lo hle tih kan hmu thei a, Pathian thlarau tel lova mihring chakna leh thiltih theihna chhuan chu a haw viau mai tih pawh Mosia chungchang thu-ah khan kan hmu bawk.    Pathianin Mosia a chawimawi a, thiltih theihna ropui takin a thuam thin a, Israel fate hruaia thlaler tui awmlohna hmuna an awm lai khan, Mosia thinlung a lo chapo ta. Mahni lansarh chakna leh ropui duhna a lo neih tak avang khan Pathianin Kanaan ram tyhleng ve lo turin a hriattir nghal mai tih kan hmu. Lal Davida pawhin a hmelma te bei turin Pathian rin chhan lovin ama thu-in Sipaite a khawm a, chhiarpui a neih tum khan (I Samuela 24:13-14) Pathianin amah ring lova Sipai chakna a rin zawk avanga Davida chunga thil lo thleng rapthlak zia te, Pathianin chakna leh thiltih theihna ama mite hnena ama ropui puanchhuahna tura a pek hman dik loh nghawng natzia kan hmu bawk a ni. Tin, Gideon-a chungchanga Pathian thiltih dan hi lo en leh ta ila. Median hote bei turin Sipai tam tak kal a remti lova, Sipai tam tak a kaltir hnuah pawh Sipai singkhat te chu Luiah hruai thla-in mi zathumte chauh chu ral bei turin Pathianin a thlang ta a. Gideon-a chuan Pathian a rinchhan ngam tlat avangin Indona hmanrua pawh a hmang mawl hle mai. Bel ruak, Meichher leh Tawtawrawt, heng hmanruate keng hian ral bei turin an chhuak ta. Pathian thuchhuak angin, ‘Lalpa leh Gideon-a ngunhnam’ tiin an han au ta, mahse chu hmanrua mihring ngaiha engmah ni lo chuan Median Sipaite a tlanchhiat tir ta.  A chakna nilo, a thiltih theihna pawh nilo, Pathian thlarau zawk rin ngamna avangin hnehna an chang ta.
        Heng kan han tarlan atang hian Pathian thiltum chu kan hmu thei awm e. Lalpa thlarau zawk hi a ni Pathian Kohhran hote hian kan ngaihchan tur leh kan rinchhan fo tur chu. Tirhkoh Paula nunah ngei pawh kan hmu thei awm e. (II Kor. 12:7-10) kan en chuan a taksa-a Pathianin hling a dah lakiang tura a dil lai khan chhanna a hmuh chu, ‘Ka khawngaihna i tan a tawk e’ tih a nih kha. Chuta tang chuan a ni Pathian thiltih theihna chu a chaklohna-ah tih famkim a ni tih a man thiamna chu ni. Chu chuan chhiatnaah te, neksawrnaah te, tihduhdahnaah te a lawm zawk thin thu leh a chakloh apianga a chak zawk thin si zia a puanchhuah tir thei ta, ava ropui em!
Mihringte hian chak ni-a kan inhriatna te, dik leh tangkai ni-a kan lo inhriatna te, hria a kan inngaihna zawng zawngte te hi Lalpa lama kan chaklohna, kan fellohna, diklohna a lo ni reng zawk ani tih i hre thar leh thin ang u. Mihring ngaiha chaklo ni-a kan inhriat laia inngaitlawma Krista lam kan pan lai hian Krista chakna chu keimahni ah a lo luang lut a, Tirhkoh Paula anga tisa-a kan chaklohna hian Lalpa lamah chakna min lo pe zawk thin a ni. Kan chhuan thin leh kan chapo pui thin, kan mihrinna hi thlarau zarah kan hneh phawt chuan Lalpa hman tlakin amah in a duhzawng ang takin min tichakin min hmang thei ang. Chutiang ni turin Kohhran hote hi Lalpa’n min buatsaih zel rawh se.
        Lalpa’n malsawm rawh se. AMEN.

August thla Usher turte:
1. Tv. David Lalfakawma(Leader) 2.Tv. John Vanlalzama  3. Tv.Lalruatkima Sailo. 4. Nl.T.Lalbiakfeli. 5.Nl.Lalnunengi  6.Nl.Zosangzeli    7. Nl.J.Lalrinzuali.

Kan chanchinbu chhuak hmasa kha Press lamah print fuh tawk lo a awm avangin a kim chiah lova, pawi kan ti hle. Rbt.H.Lalhunthara leh Rbt.LP.Lalsanglura ten Sermon tha tak mai min rawn ziah sak avangin an chungah kan lawm hle.              Editor.

               Programme:
                   KOHHRAN
Ni. 11.8.2013 Zing    : Rbt.PC.Thuamluaia.
Ni. 11.8.2013 zan    : Rbt. Pasanga.
Inkhawm hruaitu    : Upa F.Sawithanga.
Ni. 14.8.2013 Nilai zan        : Upa. F.Sawithanga.
Ni. 17.8.2013 Inrinni zan    : Upa.R.Vanlallawma
August thla Mike Operator     : Pu.T.Vanrammawia.
Deacon : 1. Upa Lalthanga.       2. Rbt. C.Zolawma.
Khuangpute : Rbt. PC.Thuamluaia, Tv.C.Lallung-
hnema, Pu.Lalmuanpuia
Musician     :1.Pu.F.Lalrinawma
         2.Tv.Samuel Lawmsangzuala.
Hla hriltu turte : Nl.K.Lalhriatpuii &Pi.Lalremruati.
Zai hruaitu    :    Rbt. LP.Lalsanglura.
            TKP
Ni. 11.8.2013 Sunday Fellowship Programme:
 antu        : Nl.Lalmuanpuii.
Hla thlang    : Nl.Vanlalruati.
Bible chhiar    : Tv.Lalmuankima.
Thuchah    : Tv.Lalruatkima Sailo. (Asst. Secy.)
* Fehchhuah neih nghal tur a ni ang.
* Zan Inkhawmban Tawngtai Hruaitu : Nl.Rachel Ruth.
* Ni. 17th Aug. 2013 hi Unit TKP Rising day a ni a, Nilenga Sports neiin tlai lamah Ruai buatsaih tur a ni a, Memberte tel theuh turin ka inhriattir e. Hengte Sports Items turte an ni:- 1. Tug of War 2. Penalty shoot. 3. Spoon Race. 4. Slow motion Race 5. Relay Race. 6. Shack Race.  7. Solo.  8. Arm Wrestling  9. Bottle-a tui thun.  10. High Jump.  11. Long Jump  12. Chhangthawp in eisiak.  Dinthar Field ah hun hman tur a ni ang. Hunserh : Pu.F.Lalrinawma, President Unit TKP.  Dar 10:00 am ah tan hman tura inbuatsaih tur a ni bawk.
        BMP - Ni. 11.8.2013 Sunday thu zir
Hruaitu        :    Pu. Lalhmunmawia.
        Zirlai 11-na zir tur a ni ang.
 BKHP
Ni. 11.8.2013 Sunday Fehchhuah Programme:
Thuzir tur a ni a, Zirlai 9-na zir tur a ni ang.
Hruaitu        : Pi.Lalremruati.
Ni. 12.8. 2013 Thawhtan zan Inkhawm Programme :
IBWU pual tawngtai Inkhawm a ni ang.
Hruaitu            : Pi. Lalhmunmawii
Thilpek la khawmtu     : Pi.K.Lalmuani.
Thuchah        : Rbt. Zachhingi.
Thupui        : ‘In thinlung zawng zawnga mi zawn hunah chuanh mi hmu ang’.  Jeremia  29:13.


Editorial :    Transformation (siam thar lehna) hi thil engpawh a pianhmang leh nihzia thlak danglam hlauhna a ni a, Transformer chuan Electric Current lo kal chu a voltage sang lutuk emaw hniam lutuk emaw kha kan mamawh leh hman theih tur tawk chauha a lo siam danglam ta thin ang hian Thlarau thianghlim chuan Pathian thu hmangin mihring nun chu Pathian hman tlak leh mi tangkai ni turin a lo siam danglam ta thin a, chu chu siam thar lehna nun chu a ni.
    Kohhran te hian siam thar lehna chang turin enge kan tih tak ang le? Kan rawngbawlna te, Pathian tana kan inpekna te, Biak In a kan nun dan te hi kan transform a pawimawh. A bik takin Thalaite Biak In manner kan zir ngun a pawimawh bawk. Biak In chhunga sahdah hmuam hreh miah lo, Tawngtai laia  maimitchhing duh bawk silo, Zai huna zai tha duh bawk silo kan awm ta tlat mai hi a pawi em em a ni.  Biak In a phone khawih hreh miah lo, Phur hun hun a lam ve leh ringawt, hmangaihna tak tak nei chuang silo, sual tih hreh leh chuang bawk si lo kan awm ta tlat mai. hetiang kan nun zawng zawng siam tha a, transform tur hian i tang tlang teh ang u.
    Siam thar lehna(Transformation) hi sum leh pai a lei emaw awlsam taka chan leh neih mai theih a ni lova, a man kan pek ve a ngai. Engtin nge a man kan pek ang? Kan thiltihna zawng zawng, rawngbawlna a ni emaw nilo emaw, tih tak zeta kan tih hi a man kan pekna chu a ni. Mite tana malsawmna ni zel turin hawh u kan nun i siam thar leh teh ang u.


       Vawiin Sunday School Zirlai Zirtur te:
Beginner : Zirlai 20-na. ‘Daniela Sakeibaknei pukah’.   Changvawn    : Thufingte  18:10.
Primary          : Zirlai 20-na. ‘Rukru Akana an deng hlum’ Changvawn    : Exodus 20:15.
Junior    : Zirlai 20-na. ‘Israel chanchin : Aigupta atangin hruaichhuahin an awm’.  Changvawn: Exodus 12:13(a)
Intermediate    :
Baptisma    : Zirlai 20-na. ‘Kohhran’ tih zir a ni ang. Changvawn    : Matthaia 16:18.
Senior ‘A’    :
Senior ‘B’    : Zirlai 20-na. Israelte tlukna leh Pathian thiltum.    Thuvawn : Rom 9:31, 32(a).
Vawiin Sunday School tantu  :  
   
*    Vawiin hian Mizoram Baptist Kohhran chuan Missionary lak thar mi 4 an tir chhuak leh dawn a. Tirhchuah inkhawm hi Lunglei leh Lawngtlaiah neih a ni ang. Lunglei Electric veng Biak In-ah mi pathum tirhchhuah an ni ang a; Lawngtlai Salem Biak In-ah pakhat tirhchhuah a ni ang. Lunglei-a tirhchhuah Inkhawm chu Rev. R. Zohmingliana, Pastoral Co-ordinator-in a kaihruai anga, Rev. Dr.K.Lalrinthanga, Associate General Secretary, i/c Mission-in a tirchhuak anga, Rev. B. Lalrinawma, Mission Coordinator-in Thuchah a sawi ang. Lunglei-a tirhchhuah turte :
1. Nl. Vanlalbiaktluangi Sailo    – Edenthar, Lunglei
2. Nl. R.Lalthuammawii        – Bunghmun W
3. Pu R.Lalrindika        – Ebenezer, Zobawk
Lawngtlai, Salem Kohhran-a tirhchhuah Inkhawm chu Upa HS Lalhmingthanga, Mission Promoter a ni ang a, Rev. F. Ramdinmawia, Executive Secretary, Lawngtlai Area-in tirchhuakin Rev. H. Lianngaia, General Secretary-in thuchah a sawi ang. Lawngtlai-Salem Biak In-a tirhchhuah tur chu Nl. C. Lalremruati, Salem, Lawngtlai  a ni.
*    Ni. 13th - 14th August 2013 hian BCM Assembly hnuaia Committee peng pakhat Central Committee neih a ni ang.
*    August ni 7th & 8th khan BCM Mission Committee ni hnih awh chu  neih ani a, kan Kohhran atangin Upa T.Romama committee in a kal bawk.
*    Ni. 18.8.2013 Pathianni hian BKHP, TKP leh BMP te Joint Fellowship neih tum a ni a, Programme chu next Issue-ah rawn tarlan a ni ang.
*    Nl.Malsawmliani chuan ningani zan khan Lenpia kohhranah thu sawiin Zirtawpni khan TKP hnatlang an nei a, tukin zing hian a lawina kohhran RAKE ah thu a sawi ang. Thawhlehni hian Old Zero Fellowship ah thuchah a sawi bawk ang.
*    Volunteer Missionary pahnih: Nl. Lalrotluangi, Mizoram University-a M.Sc., Maths exam zo, Peniel, Hnahthial leh Tv. Lalsangzuala Sailo, HATIM-a BCA exam zo, Bazar, Hnahthial te chu Huto English School, Nirjuli, Arunachal West Field-ah E.T (School Support)-in an thawk dawn
*    Kohhran chhungkua-a Damlo kan hriat theih chin te:- 1. Pi.Thuamliani     2. Pi.Laithangpuii     3. Pu.C.Mawia   4. Pu.LH.Zosangliana.      5. Tv.R.Lalremsiama.                    6. Pi.Lalbiaknii.  7.Pi.Lalthangliani.  8. Pi.Lalhmunliani
 I tawngtai pui ang u.
*    TKP Serchhip Unit Evangelical Cell hma lakna in tunlai hian Home visit programme neih thin a ni a, Ni. 9.8.2013 Ningani zan khan Pu. Lawmawma te in, Dinthar veng ah hun hman a ni a, Programme tha tak leh hlim taka hun hman a ni.
*    Probationary Pastor Pu. Lalfamkima pawh Ministerial Training, thla thum Course neiin AICS ah a awm mek a, 5th Sept. 2013 ah a zo ang. A training zawh hian  bial ngaiah let lehin April 2014 ah hmun dangah awm tawh tura beisei a ni.

Kan chanchinbu  head-a Website leh email kan dah ah khian chhiar leh thu ziak  thawn theih reng a ni e. Editor.
    

Chanchinbu-a chhuah tur Sermon, Article, News, etc. i ngaihtuah tlang reng ang u.