Ni 25.12.2013 Special Issue

Sermon :         IMMANUELA KAN HNENAPATHIAN AWM       Tv.PC Lalsangpuia
Kan thupui Immanuela-‘Kan hnena Pathian awm’ tih thu hi kan hre deuh vek, a ropui khawp mai. Krismas lo thlen apiang hian kan Pathian chu kan hnena awm thin a nihzia min hriat thar tirin a nemnghet  a, a thlamuanthlak a ni. Hmanah Juda-hote chuan an Pathian chu thianghlim leh dik a nih avangin mihringte tan han pawh mai mai phakah an ngai lo thin a ni awm e.  Pathian hmuh chu thihna tur niin an ngai thin. Amaherawhchu kum zabi pariatna laia zawlnei ropui tak Isaia chuan lal thar lo piang dawn  tih a lo puang lawk a, hetiangin: ‘‘ …. Lalpa chuan chhinchhiahna a pe ang che u, tunah ngaiteh u, nula thianghlim pakhat a rai ang a, fapa a hring ang a, a hmingah Immanuela a sa ang,’’  tiin. Mi thiam thenkhat chuan heta Immanuela  a sawi hi Juda lal ropui tak Hezekia chungchang sawina nia ngai an awm. Keini Kohhran hote chuan  Pathian fapa, Lal Isua lo piang tur chungchang thu zawlneiin a sawina niin kan pawm a ni. ‘Pathian kan hnena awm’ tih han hriat hi thu lawmawm a ni. Kum zabi pariatnaa Juda-hote tan pawh a nep chuang lo. Assuria sawrkar ropui takin hmar lam Israel-te  nuai chhiat vek  tuma a  inbuatsaih hun  lai leh, Juda hote pawh chhiah khua ang dinhmuna leka an awm laia he thu hriat nuam tak Amaherawhchu hetah hian a tawp mai lo  a nia. Thuthlung  hlui  mi thiam pakhat Holladay-a chuan Immanuela tih  hi awmze pahnih neiin a sawi a, pakhat chu kan hriat tlanglawn tak, a thupui kan hman khi a ni. A awmze dang a sawi chu immanu tih hi preposition a ni a, with us ‘kan hnenah ’ tihna chauh ni lovin against  us tihna a ni thei bawk a ti. Chutih a nih chuan Pathian kan hnena awm kha min eptu, min dotu tihna a ni thei ang. Thuthung hlui mite pawh khan Pathian an hnena awm thin tih kha an thlamuanpui a, an khawpui Jerusalem pawh kha hmelmate tana tihchhiat rual loh, Pathian venhim tlat khawpui niin an ngai thin. An lalte leh mipuite Pathian duhzawnga  an awm  chuan mak taka maiin an khawpui pawh hmelma laka chhanchhuah a ni reng a ni (Isaia 37).  Amaherawhchu, Pathian duh loh zawng ti reng chunga Pathian kan hnenah a awm tih tanchhan ringawt chu a fuh lo hle tih a tawpah kan hmu a, Babulon salah an tang  der mai a ni. Keini pawh hi Pathian zawnchhuah hnam niin kan inchhal a, danglam bik riau nia inngai hnam kan ni. Pathian hming pawh kan lam zing narawh. Pathian duhzawng dah lalber lo hian Pathian zawn chhuah hnam tih te hi inthlamuanpuina turah kan la ngai zel   em le? Pathian kan hnenah awm hi kan hnenah a awm takzet zel em? A duhzawng leh a thu pawm hi kan duhthlanna sang ber  kan pekna a ni chiah em? Nge, a duhzawng lam thlir hauh loh hian Pathian kan hnena awm tih hi kan inthlamuanpui nan tawk kan ti viau zawk?
    Kan khawtlangaah leh kan ramah diklohna a huaisar viau lai pawh hian Immanuela –Pathian kan hnenah awm kan la ti thei zel angem ? Keimahni ngei pawhin Pathian duh loh zawng ti reng chung leh a kawng dik zawh duh hauh lo chung  hian ‘Pathian chu kan hnena awm- Immanuela’  tiin kan insawi thlamuang chawp zel dawn ?Nge, Immanuela –Pathian min eptu/dotu tih hi kan chungah a thleng dik mek  zawk ? Immanuela- ‘Pathian kan hnena awm’ tih hi a thlen dik zel theih  thinlung a lamah hawn ila,  a duhzawng hi kan chaw tui ber ni thei turin kan nun hi i fimkhurpui hle teh ang u. 

CHRISTMAS PROGRAMME
Ni. 24.12.2013  zan    : Upa Lalchhuanthanga
Inkhawm hruaitu    : Rbt PC Thuamluaia
Lengkhawm        : TKP te hun pek an ni
            : Tv. Lalruatkima Sailo
            : Nl. T Lalbiakfeli
Ni 25.12.2013 zing    : Rev. C Lalhungliana
Inkhawm hruaitu    : Rbt. T Lalhmingliana
Chawhnu zaikhawm    : Pi. Lalhmunmawii
Ni 25.12.2013 zan    : Upa H Lalramhluna
Inkhawm hruiatu    : Rbt R Lalbiakliana
Zaikhawm hruaitu    : Tv Samuel LS Zuala
Ni 26.12.2013        : Rev L Rawna
Inkhawm hruaitu    : Rbt Zachhingi
Zaikhawm hruaitu    : Pu Lalhmunmawia
Ni.26.12.2013 zan    : Upa LP Lalsanglura
Inkhawm hruaitu    : Rbt C Zolawma
Zaikhawm hruaitu    : Pu C Lalrinsanga
Ni.28.12.2013     zan    : Upa H Sangliana
Inkhawm hruaitu    : Rbt T Lalhmingliana
Zaikhawm hruaitu    : Pu F Lalrinawma
Ni.29.12.2013 zing    : Upa R Vanlallawma
Inkhawm hruaitu    : Rbt PC Thuamluaia
Zaikhawm Hruaitu    : Pi C Zothanmawii
Ni.29.12.2013 zan    : Upa F Sawithanga
Inkhawm hruaitu    : Rbt C.Zolawma
Zaikhawm hruaitu    : Tv CMS Dawngliana
Ni.31.12.2013 zan    : Upa t Zakunga
Inkhawm hruaitu    : Rbt Zachhingi
Zaikhawm hruaitu    : Pu F Lalthlana
Ni.31.12.2013 zanlai inkhawm hruaitu:
            Rbt R Lalbiakliana
Ni.1.1.2014 zing    : Rbt F Vanlalremi
Inkhawm hruaitu    : Upa F Sawithanga
Zaikhawm hruaitu    : Pu F Vannghaka
Ni.1.1.2014 zan    : Rev C Lalhungliana
Inkhawm hruaitu    : Rbt T Lalhmingliana
Zaikhawm hruaitu    : Pi Lalthangliani  

Editorial:
Kumin Krismas lo thleng tûr hi hlim leh lâwm taka hmang theuh turin Kohhran memberte duhsakna kan hlân a che u. Kum thar 2014 lo her chhuak tûr pawhin mi tin tân malsâwmna tam tak her chhuahpui che u rawh se. Boruak muanawm tak hnuaia he hunpui hi kan hman theih nân Kohhran hote mi dangte tâna hnawksaka awm lo leh thil ti lo tûrin fîmkhur ila. Sawrkâr thuneitute leh khawtlâng hruaitute zai ngaia awm i tum tlat ang u. Tin, Krismas chu Pathianin khawvêl mamawh chhânna Lal Isua a thlâwna min pêk hriatrengna leh lawmna a ni tih vawng rengin mi harsa zâwk leh chanhaite tân insâwr chhuak a, malsâwmna thlen tûrin i inbuatsaih theuh ang u.
        Kum 2014 chu Pathian min hruai thleng dawn niin a lang ta a, chuvangin Kohhran hote kum thar a nih angin rilru thar leh thinlung thar pu in Pathian tan kan theihtawp chhuah ila, 2013 chhunga kan thil tih zawng zawng chu a chhia emaw a tha emaw hunin a liam pui tawh a, engtikah mah kan ko kir tawh dawn lo.Lal hma a kan dinpui turin a liam ta. Kum 2014 a kan hun neih tur zawng zawngte hi Lal hma a dinpui tlak turin nun i tum theuh teh ang u.


**    Kan Member Missionary Tv.R.Lalremsiama pawh Ni. 21.12.2013 inrinni khan dam takin a lo thleng leh ta.
**    Pu.C.Lalngilneia te nupa pawh dam takin Christmas hmang turin an lo haw a, Pu C lalngilneia hi Jananuary ni 3 ah School Exam an neih dawn avangin Christmas leh kum thar inkarah a kal leh ang.
**    Nl.Malsawmliani erawh chu Christmas rawn hmang chho turin hun a nei lova, pawi kan ti hle. Rawngbawlna sawt zawk a neih theih nan i tawngtai pui zel ang u.
**    Kan Member, Zirlai leh hnathawk hmun dang awmte pawh Christmas leh Kum thar hmang turin an lo haw. Kan hriat theih chin te : Tv PC Ramthanpuia
Tv Lalruatpuia chhangte, Tv. Peter Lalherliana. Tv.PC Ramthansanga, Tv.Daniel Lalhlimpuia, Nl.Margaret Zonunmawii, Nl.Marry Lalremruatpuii, Nl.PC Vanlalruaiti, Nl.Lalhmingthangi, Nl.T.Lalmuanzuali, Nl.Lalmawizuali, Nl. Marovi, Nl.V.lalremkimi.  Tih hmaih palhah ngaihdam kan dil e.
**    Chhangkhawntu turte : Saron - Tv.MS dawnga, Nl.Rosy Lalhmingsangi, Nl.KC.Lalruatsangi, Tv.David Lalfakawma.  Dinthar Vengsang - Tv.Lalneihkima Lailung, Nl.Lawmsangzuali.   Dinthar veng hnuai - Tv.Lalruatpuia chhangte, Nl.C.Remruatkimi.  Venglai, Bazar, AOC - Tv.Lalzarzova, Nl.Lalfamkimi Ngente, Nl.Lalfakawmi.   Ramthlun Veng - Tv.John Vanlalzama Pachuau,   Field Veng - Nl.Zonunsangi.   Field Road -Tv.H.Lalremruata.   Zozam  - Tv.Samuel LS Zuala.
Hmar Veng - Tv.R.Hmingthanmawia, Tv.Lalsangpuia.
Chandmari - Pu.MC Sangkhuma, Nl.R.Lalramdinmawii
**    Chakma Mission chuan ringthar an neih belh zel a. December 29, 2013 hian Mauzam thlang, Bangladesh ramri bul Saisen khuaah chhungkaw 30 vel lai Baptisma chang tur an awm a. Rev. RC Lalthanzama, Director, Chakma Mission chu chantir turin a kal ang. 2013 chhung hian Chakma Mission hian ringthar 400 chu neih tlin ngei an inbeisei a ni.
**    Cambodia-ah hian Field Director tura tirh Rev. J. Lalduhawma chu a awm ta a, an chhungkaw visa pawhsei theih anih chuan, 2014 tir lam hian chhungkuaa kal theih an inbeisei a ni.
**    Assembly 2013 in Baptist Kohhran pualin Channel neih ve dan ngaihtuah tura thu a dah chu Communications Department-in a bawhzui zel a.Tunlai khawvel mamawh a nih hriain kawng a dap zel a. December 1, 2013 atangin BCM pualin LPS Channel 5-ah ni tin tlai dar 5-7 chhung tihchhuah a ni ta; LPS channel neite chuan kan en thei zel a, amaherawh chu signal that loh chang a awm thei tih hrethiam tlang ila. Hei aia changtlung zawka tihchhuah pawh kan tum zel ang. Tualchhung, Bial leh ABC lam programme hmang thin ten Audio Visual  Manager, Pu Vanlalruata Kawlni hnenah hriattir thin ila, anin a tul angin a lo tichhuak thin ang a, a lo ruahman zel ang. I tangtlang theuh ang u.
**    Christmas leh Kumthar chhungin Standing Choir, TKP Zaipawl leh KNP te zaia rawngbawlna nei thin tura beisei an ni.
**    Kumin chhung hian Keini BCM Serchhip Kohhran te chuan heng mite hi kan sun a, Ni.31.12.2013 zan hian an mahni sunna hun hman a ni ang. Kumin chhunga kan sun te chu : Pi. Vanlalfaki, Tuikhuah Veng,  Pu.H.Laldinsanga, Field Road.  Pi.Liandingi, Hmar Veng te an ni.
**Kum 2014 chhunga FOD Hruaitu thlan tharte:
            TKP
President    : Tv.CMS Dawngliana.
Vice President    : Pu.F.Lalthlana.
Secretary    : Tv.Lalruatkima Sailo
Asst. Secretary    : Tv.Samuel Lawmsangzuala
Treasurer    : Nl.R.Lalramdinmawii
Fin. Secretary    : Nl. T.Lalbiakfeli
Sr. Adviser    : Upa Lalthanga.
            BMP  
President    : Pu.KC.Rosanga
Vice President    : Pu.F.Vannghaka
Secretary    : Pu.C.Lalrinsanga.
Asst. Secretary    : Pu.T.Zadingliana.
Treasurer    : Pu.Lallawmawma
Asst. Secretary    : Pu.C.Laltanpuia
Sr. Adviser    : Upa T.Zakunga
BKHP
President    : Pi.Lalthangliani
Vice President    : Pi.Lalhmunmawii
Secretary    : Pi.Zopari
Asst. Secy.    : Pi.C.Zothanmawii
Treasurer    ; Pi.Lalthangzuali
Fin. Secy.    : Pi.Lalremruati
Sr. Adviser     : Upa H.Sangliana.
BKHP te hi Ni. 29.12.2013 zing inkhawm banah Biak In Vestry ah charge an in hlan ang.
RUAI.........RUAI...........RUAI..............RUAI.......      

Ni. 8.12.2013 Issue

SERMON:
KA HAUSAKNA LALPA
        Hla phuah thiam Pu Buanglienkung chuan “Ka hausakna Lalpa” tih hmangin hla ropui tak a phuah a. He hla hian Mizoram pum a tuam hneh hle anih kha. A hla thu a ropuiin a phuahtu thinlung nena hmeh rem phei chuan ropui lehzual tak a ni. Eng vanga he tiang hla ropui tak mai han phuah chhuak thei nge maw a ni tih pawh hi ngaihtuah tham fe a tling awm e. Mihring mihrinna lamah chuan mi ropui tak pawh a ni bik lova, sum leh pai lamah pawh neih nei mumal nei bik si lo khan hausa a in ti tlat mai. Eng vanga hausa nge ni ta ang le???
    Khawvela kan awm chhung hi chuan rualawhna hian min chim reng a. Kan duh tak nei thei mah ila, duh dang kan neih belh zel a. Engahmah hian lungawina tak tak kan nei thei ngailo, duhbelhna zelin kan khat a, lungawi tik kan nei thin lo anih hi. Chu vang tak chuan hausakna hi khawi atanga teh tur nge ni ang tih pawh hi thil har tak chu a ni ta ve ang. Mi ropui leh sum ngah tak nia kan ngaihte pawh hian hausa an inti ngai hauh si lova. Motor leh in ropui tak neite pawhin sum leh pai tam zawk neih belh tumin hma an la nasa sauh sauh zel chu a nih hi...
    He tianga sum leh pai ngah, in leh lo leh lirthei tam tak nei te pawh hausa an nih si loh chuan tu te nge hausa chu ni ta ang le? Meihawl rawha inhlawh thinin Hausa a intih miau chuan chhan eng emaw tak chu a awm ngei ang. Pawnlam mihring lan danah chuan rethei pawh a ni mai thei, mahse chhunglam nunah hausakna a nei a ni ngei ang.
A ni reng a. Ringtute hi khawvela kan awm chhung hi chuan khawvel thilah kan hmuingilin sum leh pai lamah kan hausain kan nei lo ani mai thei. Nimahse, faa min thlangtu kan Lal Isua kan neih chuan mi hausa kan ni reng tawh tihna a ni.
    Mi tam tak chuan kan chhungkaw khawsak nawm nan emaw, keimahni khawsak ziaawm ve theih beiseiin khawvel mihringteah kan rinna kan nghat fo thin a, eng emaw chen chu hlawhtling ve thin mahse rinawmloh chin a awm thin. Ringtute kan vanneihna em em chu eng ang pawhin awm ila, neih nei miahlo pawhin awm ila Krista, kan rinna siamtu leh tifamkimtu hnena kan innghah ngam pawht chuan kan mamawh chu min pe ngei ngei thin. Amah Isua ngei pawhin amah ring ngama kan mamawh zawng zawng dil thin turin min ti a, keini hian kan ring zo lo thin zawk mai  ni.
        Mi ten hausa leh nei nung niin min hre lo mahse la, taksa chakloin hreawm thin mah ila kan hausakna Lalpain min ngaihsak thin a. Awmlo ata awma min siamtu hian kan mamawh chu a hre chiang hle a ni. Chu vang chu a ni mai awm e Pu Buanglienkung hian rethei tak chung pawha “Ka hausakna Lalpa” alo tih theih bik.         Keini pawhin a chan ang hi kan chang thei vek tih hria ila, mihring chunga rinna nghat lovin Pathian chungah kan rinna nghat ila, kan mamawh engkim hretu chuan tanpui kan ngaih hunah min tanpui dawn si a.

Programme:
KOHHRAN
Ni. 08.12.2013 Pathianni zing    : Rbt.Lalbiakliana.
Ni. 08.12.2013 Pathianni zan    : Upa R.Vanlallawma
Inkhawm hruaitu        : Rbt.Pasanga
Ni 11.12.2013 Nilai zan    : Rbt.Vanlalremi
Ni 14.12.2013 Inrinni zan    : Rbt.Pasanga
December thla Mike Operator    : Tv.Lalhungchhunga
Deacon                : Upa LP Lalsanglura
                  Rbt.H Lalhunthara.
Musician tur te            : Pu.K.Zonunmawia
                : Tv.F.Lalzarzova.
Hla hriltu tur te            : Pi.Vanlalhnemi
                : Nl.H.Lalrinpuii.
Zai hruaitu            : Pu.T.Zabiaka.
 TKP  PROGRAMME
    Vawiin chawhma inkhawm ban hian kum 2014 chhunga Unit TKP hruaitu tur kan inthlang dawn a, TKP Member te kim taka kal turin kan in ngen e.
    In thlan zawh ah hian Fellowship nei lovin Standing Choir nilovin TKP Zaipawl ten Christmas hla zir tur a ni a, Kristian hla bu ken vek tur a ni e.
     DECEMBER THLA USHER TUR TE:
1.     Tv. John Vanlalzama ( Leader)
2.     Tv. Samuel Lawmsangzuala
3.     Tv. H. Laldinpuia
4.     Nl. Lalrodingi
5.     Nl. H. Lalrinpuii
6.     Nl. K. Lalhruaitluangi
7.     Nl. Rachel Ruth Hmar
            BMP
        Ni.8.12.2013 Fellowship
Hruaitu      `    : Pu.C.Lalrinsanga.
A hmun         : Pu.C.Lalbiakzara te In Zion Veng.
A hun        :12:30 pm.

BKHP PROGRAMME
             Ni. 8.12.2013
Hruaitu        : Pi.Zopari.
A hmun        : Kohhran Hall.
Sum tuak fehchhuah neih tur a ni a, kan neih ang ang te ken tur a ni. Kumin chhunga Fehchhuah hnuhnung ber tur a ni a, Memberte kim taka kal i tum theuh ang u.
        Ni. 9.12.2013 Inkhawm Prog.
Hruaitu        : Pi.C.Lalrotluangi
Tantu        : Pi.Lalruatliani.
Thilpek lakhawmtu : Pi.Vanrikhumi.
Thuchak    : Rbt. C.Zolawma  Sr. Adviser.
Testimony a duh apiang tan sawina hun hawn a ni ang.

Editorial:
Mizoram Baptist Kohhran hian ramthima Chanchin Tha theh darhnaah hian theihtawpa tan kan lak zel tulin a hria a. Chutianga tan kan lak tak tak dawn chuan pawisa tam zawk hman a tul a. 1972 atang chuan Buhfaitham hi ramthim pualah awm sela tih a lo ni tawh a. He mi bakah hian Kohhran tinah target siam a ni thin a. Ramthim lama kan thawhnaah hian hma zauh zel kan tum si a, thawhlawm tam zawkna anih beiseiin Z.B.M. puala buh thar hlanna ni neih hi rawt a lo ni ta a. 1984 atangin Z.B.M. puala buh thar hlan hi kan nei ta. He mi ni-a thawhlawm lo lut chu headquarter-ah ramthim lama thawh nan pek a ni thin.
         Hun a lo kal zela, he mi ni thawhlawm chu headquarter-a thawn tawh lovin tualchhung Kohhranin an duh ang taka hman theihna an nei ta a. Kum 2001-a BCM Planning-in ZBM tih chu Mission tia a thlak avangin kum 2005 Assembly chuan Mission Buhthar hlan ni tiin a hming chauh tidanglamin a nihphung leh a tulnate hre rengin a tidanglam ta a. Tin, a hun thuah pawh 2007 Assembly chuan December Pathianni vawi hnihnaah hman thin nise tiin a ruat nghet ta bawk a ni.
        Kohhran pawl dang tam tak aia Mizo ram Baptist Kohhran kan danglam bikna chu missionary rilru pu, ramthim vei kohhran kan nihna hi a ni. Kum 1939 atang daih tawh khan kan rama Bru leh Chakma te zingah tirhkoh ruaiin Chanchin Tha la hre ve lote hnenah mission hna kan lo thawk tan daih tawh a. He rawngbawl hna pawimawh tak hi kan uar zel theih nan Executive Committee Meeting 18.6.1966 chuan Zoram Baptist Mission (ZBM) a din ta a. He rawngbawlna lama hma kan sawn zela thil pekte pawh a lo pun zel theih nan kum1984 Assembly chuan ZBM BUH THAR HLAN NI hi a lo ruat ta a ni. Kum 2005 thleng khan ZBM Buh Thar Hlan Ni thawhlawm pawh Headquarters-ah chhun luh a ni. Hun a lo kal zel a, ZBM Buh Thar Hlan Ni tih chu Mission Buh Thar Hlan Ni tia thlak a lo ni leh ta a. Hemi ni-a thawhlawm tling khawm pawh chu Headquartersah thawn lovin Tualchhung Kohhran rawngbawlna atan hman turin Assembly 2005 chuan a lo rel leh ta a. Vawiin ni thleng hian December Pathianni vawihnihna hi Mission Buh Thar Hlan Ni atan hmangin thawhlawm pawh tualchhung kohhranin a chang ta zel a ni.

News:
Vawiin hian TKP Serchhip Unit leh BMP Serchhip Unit te chuan kum 2014 chhunga hruaitu turte an thlang ang.

%%    Tun kar lo awm tur Ni. 12.12.2013 zan hian TKP Serchhip Unit te chuan Kohhran Hall ah Advance Christmas ropui taka hman an tum. Kum danga la tih ngai loh Programme hrang hrang siam a ni a, TKP Member te ko kim taka kal i tum ang u. Kohhran mipui te pawh a duh apiang he hunah hian  tel pui turin min sawm bawk. Kal tumte chuan Gift Exchange Rs. 50/- man  ken tel tur a ni.

%%    Vawiin hi Mizoram Baptist Kohhran ni pawimawh Mission Buh thar hlanni (Special Sunday) a ni a. He Ni pual hian BCM chuan Tualchhung Kohhran tinah Pathianni Chawhma Inkhawm-ah hun an hmang dawn a ni. Headquarters atanga Tawngtai rual thupui buatsaih sa angin tawngtairualna neih a ni ang a  Hemi ni puala Thuchah chhiar tura buatsaih chu chhiar chhuah a ni bawk ang.

%% The Leprosy Mission Mizoram chuan Mizoram chhunga Chapter hrang hrang aiawh te nen West Bengal a Leprosy Mission hnathawhna te a hmunah kalin an fang dawn a, Serchhip Chapter atang pawhin UpaT.Romama a kal ang. Heng kal turte hi Karleh thawhlehni hian Aizawl chhuahsan in Calcutta an pan ang.

%% R&D Department-a thawktute chuan December 7-14, 2013 chhung hian Shillong leh a chhehvela APBF leh NEICORD hnathawhte tlawh kualna Development Motivational Tour neiin an thang mek a. Shillong hmuna Donbosco hovin kuttualleichhamte an enkawlna hmun pawh tlawh nghal an tum.

%% Nimin Inrinni khan Bial puipa ten Bialchhung tlawh programme an hmang a, nimin khan Vanlaiphai an pan a, vawiin hian Vanlaiphai khohhran ah hun an hmang ang.
Mizoram Baptist Kohhran leh Kuki Baptist Convention (KBC) Imphal te chuan in tlawh tawn (Tour Exchange) nei tura  an lo duan dun angin BCM pastor pasarih thlan chhuahte  chuan nimin,  December 4, 2013 (Nilaini) khan Mizoram chhuahsanin Manipur an pan ta. 

%% Rev.J. Lalduhawma, chuan December 11, 2013 khian Cambodia rama a thawhna hmun tur panin Mizoram a chhuahsan dawn ta. Rev. J. Lalduhawma hi amahin a kal phawt ang a, in luah turte leh thil tul dangte a tihfel hnuah chhungkuain an kal thei tura beisei a ni.

%% BCM thawktute hlawh leh a kaihhnawih thil hrang hrang siam tha tura ruat Pay Commission member-te chuan nakum AEC/Assembly-a pharh turin an thil ruahmante an peih thawkhat ta.

%%Kawrthah Pastor bial |KP inkhawmpui chu December 6-8, 2013 chhung hian West Bunghmunah neih mek a ni a. Speaker atan M|KP Organiser, Rev. Samuel Lalremsanga hmangin Mission Vengthlang Bial Zaipawlin an tawiawm
Nimin khan TKP bul tumin Biakin ah Bethel neih a ni a, member 15 vel an kal a ni.

*     Vawiin vek hian BMP te pawh hruaitu thar thlan tur niin kan hria a, BMP Member te kim takin i kal ang u.
*    Naktuk hian MLA inthlan result chu puan a ni dawn a, Pathian in tute kut ah nge ram rorelna a dah dawn le, kohhran te tawngtaina engtin gne a chhan ang le? Hriat a chakawm ta hle mai.

Ni. 03.11.2013 ISSUE

ENG MI NGE I NIH?            (Matthaia 7:24-27)
        Mi zawng zawng hian nun pawn lang zawk leh laipui zawk kan nei theuh va. Mi zawng zawng hi kan nun pawnlawi zawk angin kan nung deuh ber a ni. Thil thleng engemaw tak awm lova kan nih dan pangngaia kan kal thep thep lai hi chuan kan nun pawnlawi zawk angin kan awm theuh va. He dinhmunah hi chuan tunge ka nih chiah tih hi kan bula mite tan hriat theih a ni lo. Kan nun lungphum sawi che tham thil kan tawn chiah hian kan nun laipui zawk chu a lo lang thin a. Kan mizia tak tak chu chutiang hunah chuan a lo intar chhuak thin. Kan la rah ngai loh dinhmun sanga kan awm hunah te. Kan beisei ngai loh dinhmun chhe taka kan tluk luh hunah te, kan thenawmten kan neih phak loh thil an neih ni te hian kan ze dik tak chu a lang thin. Hetih huna kan awm dan hi kan nun dik tak, kan ze dik tak chu a ni. Nitin sikulah zirlai mize enna a awm thin a. Progress report card-ah hian Character tih a lo lang thin. Kan hriatthiam thin dan chuan Nungchang tih hi a ni ber awm e. Sapin character an tih hi chu a chunga thil lo thleng azir zela mihring nun dan, a chhe lam a tha lamin min rawn tlakbuak huna kan lo dawnsawn dan hi a ni a. A chunga thil thleng laka ding nghet tura mi a nun chhungril lama chakna inphum ru hi a ni. Chu chu pawn lam atangin a hmuh theih loh a ni.
I ngaihzawng chu a chhungril i hmuh theih loh avangin i neih hnuah i rin aiin a lo nep daih a. Thuamhnaw awh zawng ber a inbel laia mi hlim thei tak anga lang hi a duh ang a neih theih loh hunah a lan dan aiin a lo chhe daih thin. Mite fuihna thu sawi tur hre tha deuhte hi a tak a lo thlenin a nep nep an ni chawk. An nun ze pui kha a rintlak lo a ni. Tawngtai taima tak, an chhe tak a awm theih a, lam peih tak, hrawn harsa tak a awm theih bawk. Nun ze pui chu kan nun min nuaitu thil chi hrang hrang laka kan awm nem leh awm khauh dan hi a ni. Chu chu a rintlak loh chuan thil tha lo lakah himna a awm lo va, thian kawm azirin kan chhiain kan tha vel mai mai a, chawhmeh azirin kan zaidamin kan thin a chhe vel mai mai thin. Dam khawchhuak tur hian he nun zepui kan tih tak hi a nghet tur a ni a, a mumal tur a ni. Sap nula nalh deuh a hmuhin a inthuamna a ngaihnep phah ringawt tur a ni lo va, mi pa hausa deuh a hmuhin amah hringtu pa a iai phah ngawt tur a ni lo. Mahni inhmusit a mi dang nih a duh hun hun chu a at hun a ni mai.
    I nun zepui kha en chiang la, mangan ni atan a rintlak em tih en fiah rawh. Khawvel hian kan nun min khawih chhiatsak thei leh kan future min tihchhiatsak thei thil tam tak a la rawn pho chhuak zel dawn. Nun ze pui nghet i neih loh chuan mi tih dan entawnin i tar thak ang. Media hian tunlai mite nunah thu a nei thuk tawh lutuk. Nang erawh chu inveng la, TV leh Internet atanga i thil hmuh theihte hi i nun dan tur reltu an nih phal suh. Education atan hmang la, inthununtir suh. Pathian tih la, a duh dan chu tehfunga hmangin i awm dan turah chuan nangmah ngeiin thutlukna siam ang che. Nun chen hmasa a pung nena rul leh mekte awm dan hi a awhawm lo a ni. A chhiat a that bih chiang lova mi tih dana innghatte chanvo a ni tlangpui. Information technology sang zel avangin zawh atana tha kher lo kawng zawh chakawm an zuar tam tual tual a. Hengte hian kan nun tha min laksak i phal hauh lo vang u. ENG MI NGE KA NIH tih in enchiang fo vin, Kan Future lo awm turah fimkhur taka Pathian tana nung turin i inbuatsaih zel ang u.
Lalpan mal min sawm rawh se.        AMEN.


PROGRAMME
KOHHRAN
Ni. 3.11.2013 Pathianni zing : Tualchhung Sunday School Programme.
Ni. 3.11.2013 Pathianni zan : Pu.David Lalrengpuia, Missionary Arunachal East.
Ni. 6.11.2013 Nilai ni zan : Rbt.PC.Thuamluaia
        TKP  PROGRAMME
Ni. 03.11.2013  Missionary pual tlai chawnghei
Tawngtai hruaitu    : Tv. R. Hmingthanmawia
    04th November, 2013 - Worship Service
Hruaitu        :     Tv. Lalzarzoa
             (Exe. Commt. Member)
Tantu        :     Nl. J. Lalrinzuali
Hla thlangtu    :     Tv. Lalfakzuala
Bible Chhiar    :     Tv.David Lalfakawma
Thuchah    :     Tv. Lalruatkima sailo
                         ( Asst. Secretary)
    NOVEMBER THLA USHER
1.     Tv. R. Hmingthanmawia( Leader)
2.     Tv. Lalzarzoa
3.     Tv. P.C Lalsangpuia
4.     Nl T. Lalbiakfeli
5.     Nl. R. Lalramdinmawii
6.     Nl. Hmingchungnungi
7.     Nl. R. Lalsiamliani

Vawiin hi Khawvel Sunday School Ni a ni a, Sunday School Committe in Programme an neih avangin TKP, BMP leh BKHP Programme siam a ni lo.

Kan hmalam Programme pawimawh tlangpui-Ni. 10.11.2013 Pathianni hmang hian TKP Aizawl Zotlang Unit ten kan Kohhran min rawn tlawh ang.
    Ni. 24.11.2013 Pathianni hmang hian TKP Serchhip Pastor Bial Inkhawmpui Kan Kohhran in kan dawng dawn a, Speaker atan Rev.R.Lalbiakliana, President MTKP hman a ni ang. Thupui atan ‘Thalaite leh tunlai khawvel’ tih thlan a ni.

        Sunday School Intan dan.
    Tun laia Sunday School kan tih hi 1780 kuma Robert Raikes-an Gloucester, England-a a din a ni a, hei hi a thang zel a, Sunday School a pung zel a, 1785 kumah Sunday School inzawmkhawm pawl hmasa ber, Society for Promoting Sunday School a lo ding hial a, a hnu lawkah Sunday School Society tia thlak a ni. Khawvel hmun hrang hrangah a darh zau zel a, India ramah pawh kum 1800 khan William Carey leh a thiante pathumin Serampore-ah an lo din a. Tin, Mizoramah chuan kum 1896-ah Sap Upa leh Pu Buanga ten Aizawlah an din a, chhim lamah chuan kum 1902-ah Tv. Thankunga (a hnua Tirhkoh leh Pastor ni ta) leh a thian ten Sethlun-ah an din a ni.
    Khawvel Sunday School Ni lo chhuah dan.
    Khawvel Sunday School Ni dintu chu Dr. George W. Bailey a ni. Ani hi America (USA) mi a ni a, khawvel huapa Sunday School rawngbawlnaa mi pawimawh tak a ni a. Kum 1910 khan World Sunday School Association ah President atan thlan a ni a. Ama huaihawtin kum 1907 khan khawvel pum huap Sunday School Ni Rome khawpuiah an lo hmang tawh a, President a nih kum, 1910 ah phei chuan Washington khawpuiah May 22 ah ropui takin an hmang a ni. Khawvel Sunday School Ni hi a remchan dan angin hman a ni thin a, mahse India ramah chuan tuna kan hman lai mek, November Pathian ni hmasa ber hi hman a ni ta reng a ni. BCM pawhin kum 1939 khan All India Sunday School Union kan zawm a, chuvang chuan Khawvel Sunday School Ni hi kan lo hmang ve ta a. A hnuah Christian Education, Evangelical Fellowship of India kan zawm leh a, kum 2009 atang khan All India Sunday School Association kan zawm leh ta a ni.
    Sunday School pawimawhna.
    Sunday School pawimawhna kan sawi seng lovang. 1. Mizote lehkha thiamna petu, 2. Kohhran dintu, 3. Kohhran ban, tiin sawi a ni. Sunday School pawimawhna hi a tir te atangin BCM rorelna sang ber pawhin a hria a,  kum 1904-a BCM Assembly hmasa ber (Presbytery) Sethlun-a neih chuan “Kohhran din tawhnaah chuan Sunday School awm zel rawh se” tiin an lo rel daih tawh a ni. Chuvangin BCM huam chhunga Kohhran tinte chuan Sunday School kan ngaih pawimawh hi kan tih tur dik tak a ni.

#    November 6-8, 2013 chhung hian BCM Pastor Nupui te intuaitharna, Sap Upa leh Pu Buanga Hall Serkawnah neih dawn. Thupui ah ‘INPEKNA’ tih niin, Speaker-ah Upa Vanlalliana hman a ni ang. Retreat chhungin nitin zingkarah Bible Study neih tin a ni ang a, Nl.Lalhmingmawii Chawngthu leh Nl. Daisy Zomuani, Coordinator, Christian Counselling ten an hruai thin ang. Thuzir kaihruaitu leh Resource Person atan Rev.F.Sangvela, Upa Dr.KL.Biakchungnunga, Rev.H.Lianngaia, Rev.C.Ngurhnema-te hman an ni ang. Heng Pastor nupuite hi Serkawna riak vek tura beisei an ni. Tunah hian Pastor nupui he retreat-a kal thei tura beisei zat chu mi 100 vel an ni dawn a ni.
#    October 30, 2013 (Nilaini) khan Mizoram Baptist Kohhran hnuaia Probationary  Pastor thawk lai mi 18-in BCM Committee Room, Serkawn-ah Exam an nei a. First Year -8, 2nd Year-5,  leh 3rd Year -5 in exam hi an bei a ni. BCM hian Probationary Pastor a chawr laite hi kum thum chhung Probation Period an hmang a, hemi chhung hian kum tin Exam hi an hmachhawn thin a, Final Year Exam paltlangte hi Pastor atana nemngheh turin Pastoral Department Committee leh Assembly Executive -ah interview neiin, ordain tura thlan an ni chauh thin a ni.
#    Vawiin hi khawvel Sunday School Ni a ni a, he Ni hi Mizoram Baptist Kohhran chuan Kohhran tinah Pathianni zing inkhawm ah Headquarters atanga thupui thlan sa hmangin thuchah ngaihthlak a ni ang a. Hei bak ah hian Tualchhung Kohhran ten tul leh tha an tih angin hemi ni pual progamme hi an hmang dawn a ni. Kumin Khawvel Sunday School Ni-a kan thupui chu “Mihring dik tak ni tura buatsaih” tih a ni ang.
#    T. Lalthakimi Pu T. Lalsangliana leh Pi F. Lalramsiami te fanu, BCM Ramthar, Lunglei chu kum 10 chhung zet Sunday School a kai kim ta.!  Kum 1996 August 22-ah a pianga,  2002 atangin Sunday School hi a kai tan a. A kai tan ni atanga kum 2012 kum tawp thlengin khaihlak awm miah lovin (Kum10 chhung) a kai kim parh a ni. Dam lohte pawh a nei ve thin tho a, dam lo chung pawh in SS ngai pawimawhin a kai zel thin. Tlang hrileng leh natna dang te pawhin a tlak buak ve a, hetianga natna-in a tlakbuak lai leh a nu leh a pate pawhin kai lo mai tura an tih pawhin SS a ngaih pawimawh em avangin a kal tang tang thin a ni.  Hmun danga a zin chang pawhin Sunday School a kai zel a, certificate a hawn zel thin a ni. BCM Ramthar chuan kum 2013 kum tir khan Kum 10 chhung Sunday School kai kim thei lawmpuina leh chawimawina a hranpa liau liau in an buatsaih sak a ni.
#    Serchhip Area Baptist Council Inkhawmpui chu zawh fel a ni ta a, Inkhawmpui Palai 700 vel an kal. Kum 2014 Serchhip Area Baptist Council chu Serchhip Pastor Bialah nghah a ni bawk. Tun tum ABC Inkhawmpui thupui chu, ‘Thlarau thianghlima khah’ tih a ni. Khua a that lo avangin Biak In tual a diak hle.  

 Vawiin Sunday School Zirlai Zirtur te:
Beginner     : APPENDIX V. ‘Naupang Isuan Pathian thu a zir’  Changvawn    : Luka 2:49.
Primary              : APPENDIX V. ‘Naupang Isuan Pathian thu a zir’  Changvawn    : Luka 2:49.
Junior        : APPENDIX V. ‘Naupang Isuan Pathian thu a zir’  Changvawn    : Luka 2:49.
Intermediate    : APPENDIX V. ‘Sunday School pawimawhna’    Changvawn    : I Tim. 3:16.
Baptisma    :APPENDIX V. ‘Sunday School pawimawhna’    Changvawn    : Sam 119:11.
Senior ‘A’    : APPENDIX V. ‘Sunday School pawimawhna’    Changvawn.    : II Tim. 3:16.
Senior ‘B’    : APPENDIX V. ‘Pathian thu zir pawimawhna.    Changvawn    : Sam 119:130
 

Ni. 6.10.2013 Issue.

KOHHRAN
Ni. 06.10.2013 Pathianni zing    : Upa.T.Romama
Ni. 06.10.2013 Pathianni zan    : Rbt.C.Zolawma.
Ni. 09.10.2013 Nilaini zan    : Upa T.Zakunga.
Ni. 12.10.2013 Inrinni  zan    : Rev.L.Rawna.
Inkhawm hruaitu        : Rbt.F.Vanlalremi.
October thla Mike Operator    : Pu.K.Zonunmawia.
Deacon    : Upa. F.Sawithanga leh Rbt.T.Lalhmingliana.
Khuangpu turte    : Upa.T.Romama, Pu.T.Zabiaka leh     Pu.R.Vanlalthlanga.   Musician    : Pu.T.Vanrammawia,                     Tv.C.Lalrengpuia
Hla hriltu tur te : Nl.R.Lalthansiami & Nl.Zosangzeli.
Zai hruaitu    : Pu.F.Lalthlana.
          TKP FELLOWSHIP PROGRAMME
Ni. 06.10.2013 Sunday Felloship
Hruaitu            : Tv.Lalhungchhunga
Tantu            : Nl.Zairemtluangi.
Hla thlang    : Tv.Saitluangpuia,   Pu.Lalmuanpuia.
Bible chhiar        : Nl.KC Remlalhruaii.
Thuchah        : Pu.T.Vanrammawia.
Tlai chawnghei tawngtai Hruaitu : Tv.Lalneihkima.
Zan inkhawmban Tawngtai hruaitu : Nl.R.Lalsiamliani
Ni. 07.10.2013 Monday zan Worship Service:
Hruaitu            : Nl.KC.Lalruatsangi.
Tantu            : Tv.K.Lalmuankima.
Hla thlang        : Tv.Vanlalrinliana.
              Tv.Zoramsangzuala.
Bible chhiar        : Tv.Zotlanmawia.
Sharing hun hawn a ni ang.
            BMP
        Ni.6.10.2103 Fellowship
Hruaitu         : Pu.R.Vanlalthlanga
A hmun        : Pu.JP.Zadawla In Dinthar Veng.
A hun        :12:30 pm.
    OCTOBER THLA USHER
1. Tv.Lalruatkima Sailo (Leader)
2. Tv.David Lalfakawma.        3. Tv.Lalhungchhunga.
4. Tv.C.Rohnuna.              5. Nl.KC.Lalruatsangi.
6. Nl.R.Lalthansiami.               7. Nl.Lalhruaitluangi.
8. Nl.Lalfakawmi
    BKHP PROGRAMME
Ni. 06.10.2013 Sunday Fehchhuah Programme:
Hruaitu        : Pi.C.Zothanmawii
A hmun        : Kohhran Hall.
Thu zir nghal tur a ni a, zirlai 10-na zir tur a ni.

       Vawiin Sunday School Zirlai Zirtur te:
Beginner     : Zirlai 26 na. ‘Isuan mitthi a kai tho’
Changvawn    : Johana 11.25.
Primary              : Zirlai 26 na. ‘Stephana lungin an deng hlum’        : Changvaawn  Tirhkohte 7:60.
Junior        : Zirlai 26 na. ‘Qumran puka thil hmuhchhuah’    : Changvawn  Sam 119:97
Intermediate    : Zirlai 26-na. ‘Hlauhna, chapona leh               mahni hmasialnain a tibuai’
Changvawn     : Jer. Tah hla 3:22-23.
Baptisma    :Zirlai 26 na. ‘Rawngbawlna’
Changvawn    : II Tim. 4:5
Senior ‘A’    : Zirlai 26-na. ‘DRUGS’ 
Changvawn     : Thufingte 23:31-32.
Senior ‘B’    : Zirlai 26-na. ‘Kristian nun dik lanchhuahna’.      : Changvawn     : Rom 13:14.

*    Bialtu Pastor Programme : Kar leh chhung hian N.Serchhip Kohhranah Upa, Rawngbawltu leh FOD hruaitute pual Camping neih leh a ni ang.   
*    Kan Missionary Tv.R.Lalremsiama pawh a thawhna hmun tluang takin a thleng thla a, Puja chawlh neih hma in Ni.7th & 8th October hian Gospel meeting, School naupang pualin an nei ang a, Speaker atan Ordained Evan. C.Lalnunsiama, Hezemara bialtu hman a ni ang. Zirtirtute hi Councellor an ni nghal ang.Vawiin hian thuchah a sawi bawk ang. I tawngtai pui zel ang u.
*    Kohhran chhungkua-a Damlo kan hriat theih chin te:- 1. Pi.Thuamliani   2. Pi.Laithangpuii     3. Pu.C.Mawia  4. PC.Lalruatdika. Pu.LH.Zosangliana                      I tawngtai pui ang u.
*    Guwahati Baptist House chu tun lai hian tihchangtlun mek a ni. Guwahati-ah hian Baptist Kohhran Pathiannia inkhawm thin hi 100 dawn lai an ni a; Hall neih saah an len tawh loh avangin Biak in tur Hall zau zawk puah mek a ni a; Regional Director, Rev. Joseph Vanlalruatan ngawrh takin he hna hi thawkin October thla hi chuan luah hman ngei an tum a; he mi rual hian mikhual thlenna tur room pawh siam belh mek a ni bawk.
*    Pathianni kal ta, September 29, 2013 khan MP & MS Field chhunga Kara khua-ah Field Director, Rev.T. Lalsangvunga hovin Fellowship thar pakhat din a ni a. Hei lo pawh hi hmun hnih ah Fellowship din tura hma lak mek a ni bawk.
*    Kum 2014-a Mission Platinum Jubilee lawm turin inbuatsaihna chak takin kallpui mek a ni a. Lawngtlai, Hnahthial  leh Aizawlah pawh a lawm dan tur duang fel tawhin Headquarters ah pawh Cambodia-a kal tura inbuatsaih mek Rev. J. Lalduhawma’n hnapui berah neiin Jubilee Compendium changtlung tak buatsaih mek a ni.
*    Vawiin hi Bial KNP Inkhawmpui a ni a, N.Serchhip Biak In ah Inkhawmpui hi neih mek a ni. Vawiin chawhnu lam hian Intihsiak na Item hrang hrangah an nei ang. KNP Inkhawmpui ah hian Bial Zaipawlte pawh zaia rawngbawlna nei tura beisei an ni bawk.
*    National Council of Churches in India (NCCI) Commission on Youth chuan Jan 28- 1 Feb, 2014 chhung hian Durgapur, W.Bengal-ah National Ecumenical Youth Assembly (NEYA 2014) a buatsaih dawn a. MTKP hi member kan nih avangin palai a tam thei ang ber tir ve turin min ngen a ni. MTKP atangin hruaitu mi pathum kal tura ruat an ni a. MTKP hruaitu te bakah hian Bial leh unit aiawh intir thei te chuan mahni bial leh unit aiawh tirh nise tiin MTKP chuan Bial leh Unit TKP te a ngen a ni. Bial leh Unit aiawha kal tur te chu an Registration fee MTKP-in a tumsak ang. Tin, mimal, mahni senso intuma kal thei tur te pawh kan awm chuan MTKP-in lawm takin Registration fee a tumsak bawk ang. Kal man hi mi pakhat tan (Aizawl to Kolkatta thlawhnaa kal, Kolkatta to Durgapur train-a kal) Rs 8000-10000  (Cheng sangriat – cheng singkhat) vel chuan a daih beisei a ni.
*    Tunkar Inrinni leh Pathianni (October 4-6) hmang khan Bru Baptist Church (BBC) Headquarters Damparengpuiah BBC Pastor Meet neih a ni a. BBC hnuaia Pastor Mizoram leh Tripura-a mite 20 chuang an kalkhawm. Bru hnam zinga kristian la ni lote kristian an nih vek theih dan tur an ngaihtuah ho a ni.
*    Asian Baptist Women’s Union (ABWU) Inkhawmpui vawi 12-na,  October 8-11, 2013-a  South Korea-a neih turah Mizoram Baptist Kohhran Hmeichhe Pawl (MBKHP) aiawha kal tur mi 24 leh LIKBK aiawh pahnih nen  tunkar Inrinni khan Lunglei an chhuahsan. He Inkhawmpui hi  Yonsei Central Church, Seoul-ah neih a ni a. MBKHP te hian Thawhlehni October 7, zan lai dar 12:30 ah India ram (Kolkatta) chhuahsanin an tum anga an awm theih chuan October 14-ah lo let lehin October 15-ah Mizoram an lo thleng leh ang.

Editorial :  Pathian hruaina leh awmpuina in Revival Camping chu chhawng li (4) lai mai kan han nei leh thei ta a, a lawmawm hle mai. Harsatna tam tak awm thei karah harsatna awm miah lovin kan han zo thei a, Pathian hnenah lawmthu kan sawi a pawimawh hle.
    Thlarau thianghlima harhna kan mamawh tiin kan au kan au a, chu kan duhna chu Pathianin min han pe leh ta a, a changtu leh dawngtu kan ni tih hi i hre reng ang u. He harhna ropui tak mai Pathianin min pek hi i vawng nung reng ang u. Upa leh rawngbawltu te emaw FOD hruaitute kutah emaw kan dah chuan a dik dawn lo. Chuvangin, Kohhran member tinte kan mawhphurh a ni tih hre reng a, vawng nung reng turin tan i la zel ang.
    Hun a lo kal deuh ang a, a ngaite bawk hian kan tal kual leh ang tih hi rilru hian a ngaihtuah fo mai. Sum leh pai tam tak kan seng a, tha leh zung tam tak kan seng bawk a, rilru, ngaihtuahna tam tak kan seng bawk a, heng zawng zawngte hi a thlawna a luan ral lohna turin rilru nghet leh nun nghet tak neiin i awm zel ang u. A hlim chhawn leh a lam hlimna ah ringawt tawp thin tawh lovin, theihtawp i chhuah zel ang u. Kan inthlahdah a, kan vawng zui zel lo a nih chuan a tuar tur chu keimahni tho a ni tih hre rengin tih tak zetin Pathian hnena tawngtaina hlan chungin rawng i bawl zel ang u.


RAWNGBAWL TUR CHUAN TLAWM A NGAI        Philipi 2:5-8
        Kan thusawi tur hi thupui pawimawh tak mai a ni a, thuthlung thar rawngbawlna pawimawh tak a ni a, Lal Isua Rawngbawl dan a ni a, kan zui tur leh entawn tur pawimawh tak a ni.Ka thupui, tlawmna rilru nena Rawngbawl hi kan Lal Isua rawngbawl dan a nih avangin amah Isua atangin kan zir a ngai a ni. Lal Isua hun lai atanga vawiin thleng hian tlawmna nen a rawngbawl hi a awlai lo hle mai a, kawng harsa tak, mahse kan tih ngei ngei tur a ni lawi si a. Miten Isua an hmuh fiah theihna chhan lian ber chu Tlawmna nen rawng a bawl vang kha a ni a. Khawvelah hian zirtirtu leh hotute chu an chungnung a, an hnuai a mite chungah an lal em em vek mai a. Kan Lal Isua chu chutiang mi chu a ni ve lo a, a zirtirte leh amah zuitute bawih (Chhiahhlawh)ah a in siam a, a hote ke a sil sak a, zirtirtu chu chhiahhlawh angin an tan a nung zawk a, hei hi khawvelin a hrethiam thei lo a ni. Vawiin thleng hian tlawmna nen a rawngbawltu an tlem em em reng a nih hi. Tlawmna rilru nena rawngbawltu chu kan rawngbawltuah hian kan duh vek a, kan hotu apiangte hi tlawm sela, tlawmna rilru nen kan rawngbawltute hi ni zel se kan duh vek mai. Keini an rawngbawl sakate erawh hi chu tlawm rilru pu a nun kan peih lo thung si. Inngaitlawm bula chen kan chak a, kei mahni tak erawh chu tlawm taka awm kan duh si lo.Kan nun hi ngun takin han zir chiang ila, kan duh zawng hi mak tak a ni. Kan chunga hotute hi tlawmna rilru nena rawngbawl ni vek se keini inluling thei ila kan ti a nimai lo maw aw? Kan awm dan hi chuan chu chu kan kawk foin a lang. Hotute thuawi ai chuan kan pute hian kan thu awih se ti te pawh kan ang ta. Chhungkuaah pawh Nu leh Pate dal duh nula leh tlangval kan tam ta hle a nih hi.  Naupang sual ang maiin a awmtu thunun loh chu kan lung a awi thei lo ta anih hi. Pathian thu atanga kan inbih ngun a hun ta, kan Lal Isua nun leh a rawngbawlna anga a hnungzuitute hi awm ve tur kan ni lawm ni? Tlawmna rilru nen a rawngbawl chu hmuh sitawm in, retheihthlakin lang mahse, rah tha a chhuak ngei ngei thin. Mahni zawn theuh a tlawmna chu hreawm tak a ni. Mi titlawmtu a awm a nih loh chuan mahni duh tawk chin a tlawmna chuan chapona a hring chhuak lian ting mai a ni. Mahni remtih china tlawmna hi kan phal chin a ni fo. Pathian thuin a tihthlawm kan mamawh a ni. Pathian thuin a tihtlawm ni tur chuan Pathian hma a awm nuh a ngai a, Pathian hmaah lo chuan mihringte hi kan tlawm ve ngai si lo. Joba  pawh Lalpa hmaa a tlawm hma loh chuan a tlawm thei lo, thiamthu sawitur a ka ah a khat tlat a nih kha. Lalpa hmaah Lalpan Joba a dah chinah chuan sawi tur a nei tawh lo. A ngawi ta reng a, a hriat loh zia a hre chhuak a, hre lova sawi mai mai a nih zia a au chhuah pui a, Lalpan a titlawm a, chawimawiin a awm ta a nih kha. A hniak a kan zuina turin entawn tur Krista tlawmna chu mi hnutchhiah si a.

Ni. 29.9.2013 Issue

MAL DIN NGAM THALAI                  H.Lalnghilhlova(Mapuia).
   
       ‘ Rawngbawltute hlawhtlinna thuruk chu kan Pathian tana rinawm taka ka din ngheh na hi a ni ’
       ‘ Lirnghing aia hlauhawm zawk chu mihring thinlung nghing hi a ni. Lirnghing chuan in leh ram a
         ti chhe thei a, thinlung nghing erawh chuan taksa leh thlarau a ti hlum thei a ni.
Pathian rawngbawlnaah hian pawl huap (a huho) leh mimal a rawng bawl a tulna tam tak a awm fo thin a ni. Mi piangthar inti mi tam tak a huhova awma tha ve tak, mahse mi piangthar lo (khawvel mi) te zinga Pathian mi nih hriat hran loh, an thiltih duhzawng danglam chuang lo kan ngah ta viau mai. Pathian tana mualpho ngam si lo, sum leh Politics avanga hmingchhiat pawi ti lo, Isua tana nung ngam si lova, OD a thih ngam si, mi tam tak awm hi a lungchhiat thlak hle a ni. Pathian hian kan duhzawng leh kan chak zawng ringawt um turin khawvelah min dah lova, chhandamna hna thawk turin min dah zawk a ni. Paula chuan Pathian chenna kan nih thu leh ringlo mite laka danglam ngam tur kan nih zia min hrilh a ni. II Kor. 6:14.
        Sualna leh finna sang mek khawvelah ruihhlo, sex, duhamna leh eizawnna diklo laka inthiar fihlim ngam thalai, mahni chauh pawh a sual do ngam mi huaisen, Pathian lawmzawng leh setana thik thama hma la, pawl ram aia Pathian ram chauh din chhuah tum, mahni in kal pela Krista hnena mite hruai thin, mahni chauh pawha mal din ngam thalai, Daniela leh a thian te ang kha kan va mamawh em!.
        Daniela thiante chu, Babulon sorkar chakna chuan an rin Pathian lakah hruai hran an tum a, mahse an chhungril nuna Pathian an rinna ngheh zia an tih danglam sak thei chuang lo. Rawhtuina meipui an hmachhawn huam a, Dura phaizawl Programme tidanglam ngamin thih an huam a, Daniela chuan Sakeibaknei puka paih chu Pathian phatsan aiin a thlanga, amah chauhin rinawm takin Pathian tan a ding ngam a, babulon sorkar thuneihna chu an kutah pekin an awm a ni. Dik taka awmte lakah chuan thil tha reng reng a ui lo. Sam 84:11.
        Josefa chu duh lova, itsikna avanga Aigupta rama hralhin a awm a, dawt a puh leh Tan in chhungah hrehawm taka awm tirin, tanpuitu leh thlamuan tu nei lo mahse thlemna leh tuarna hmachhawnin huai takin a mal din ngam a, a rinawmna chuan riltam thi tur ei tur petu ah a tang a ni. Mahni chauh pawh a ringtu mal din ngam ten ropuina an chang thin.
        John Wesley-a chuan, ‘Thalai sing khat min pe ula, khawvel ka ti danglam ang’ a ti hial a ni. Tun huna thalaite hi enge kan dinhmun i in en teh ang u le. Mahni a awma sual ti leh ringawt, Biak In a tha ber anga lang leh si kan va tam ta em! Kan Pathian, a rawng kan bawla hian min hre chiang si a, mal din ngam thalai/ringtu ni turin insiam thar kan mamawh hle mai. Vawiin-a ka tih that duh lohna hian engtik ni ah emaw chuan min la vaw let dawn a ni tih hria in, khawvel ti danglam turin mal din ngam ringtu nih zel i tum ang u.


 KOHHRAN
Ni. 29.9.2013 Pathianni zing    : Rev. L.Rawna.
Ni. 29.9.2013 Pathianni zan    : Upa F.Sawithanga.
Inkhawm hruaitu        : Upa. T.Zakunga.
Ni. 30.9.2013 Thawhtan zan    : Rbt.T.Lalhmingliana.
Ni. 1.10.2013 Thawhleh zan    : Upa H.Sangliana.
Ni. 2.10.2013 Nilai ni zan    : Rbt. Zachhingi.
Ni. 5.10.2013 Inrinni zan    : Rbt. H.Lalhunthara.
October thla Mike Operator    : Pu.K.Zonunmawia.
Deacon    : Upa. F.Sawithanga leh Rbt. T.Lalhmingliana.
Khuangpu turte    : Upa.T.Romama, Pu.T.Zabiaka leh             Pu.R.Vanlalthlanga.
Musician    : Pu.T.Vanrammawia, Tv.C.Lalrengpuia
Hla hriltu tur te : Nl.R.Lalthansiami & Nl.Zosangzeli.
Zai hruaitu    : Pu.F.Lalthlana.

*    Ni. 4th-6th hi Bial KNP Inkhawmpui hun a ni a, N.Serchhip Biak In ah Inkhawmpui hi neih tur a ni. Kan tu kan fate Inkhawmpuina a kal turin i hrilh thar ang u.

*    Bialtu Pastor leh a rawngbawlpuite pawhin tun kar liam ta khan N.Vanlaiphai ah Revival Camping neiin hun tha takin an hmang thei a, a lawmawm hle.
*    Kumin (2013) hian kum hmasa (2011, 2012) lamte aiin ringthar an pung muang zawk a, Chakma Mission-ah pawh tun ang hunah chuan 300 a pel tawh thin kha a ni a, kumin hi chuan 200 an la tling lo. Kohhran, Pawlho, chhungkua leh mimal te thahnemngai lehzuala kan tawngtai a tul tak zet. Kan ai awha kan tirh Mission Worker-te hi tang nasa turin fuih ila; keiniho pawh Beiruala Puan In hmun zauh zir kan ni a, thi leh thau pawlhin i han tang thar teh ang u.
*    Mizoram Baptist kohhran Assembly 2013 rorelna chuan, ‘Ram pum huap awmni kham chawnghei tawngtai’ neih ni se, tiin a rel a. Administrative Committee chuan bawhzuiin, Programme leh hun hman dan tur fel takin ruahmanna siam a ni a. A hun atan September 28, 2013 Inrinni kha ruat a ni a, Tualchhung Kohhran tin ten ram pum huap awmni kham chawngei tawngtai hi an ngaipawimawh tlang hle a, Kei ni Kohhran pawhin hlung takin kan hmang thei a, a lawmawm hle.
*    Pu. C.Lalngilneia te chhung pawh an dam tha a, School pawh tluang takin an la kalpui zel. Mid term exam an ao tawh a, Pawl 9 leh 10, erawh inrinni khan exam an zo ve xhiah a ni. I tawngtaipui zel ang u.
*    Chawlhleh kar Oct. 1 – 3, 2013 chhung hian Baptist House, Guwahati-ah BCM Mission Field leh School hrang hrang ai awh kal khawm Regional Committee meeting neih a ni dawn. 2014 – 2015 Budget leh Mission rawngbawlna tul dangte relho a ni ang. He meeting hi Rev. Dr. K. Lalrinthanga, AGS i/c Mission in a ho ang.
*    Tunkar liam ta Sept. 25 – 26, 2013 khan CBCNEI Hall, Guwahati-ah NEICC buatsaihin SIM-NEI hotute leh BCM Mission Coordinator, Regional Director, FD, Assam Field leh HM, Mt. Olive School te Mission rawngbawlnaa thawhho chungchangah inrawn khawmna an nei a, BCM leh SIM-NEI kan thawhhona hnuaiah hian Africa (Ghana & Kenya) leh Thailand-ah te Missionary kan tir mek a ni.
*    Arunachal East Field chuan Oct. 11 – 13, 2013 chhung hian Sille (Assam atanga Pasighat kawng) khuaah Salvation Camp an buatsaih dawn. Camper zawng zawng ten an thinlungah Lal Isua an lawmluh theih nan, i tawngtaisak ang u.
*    Kan Member Tv.R.Lalremsiama pawh a thawhna hmun Tripura lam Zirtawp ni khan min pan san leh ta. I tawngtai pui mawlh mawlh teh ang.
*    Kan Missionary Nl.Malsawmliani pawh a dam tha a, Kan tawngtai pui thin DMBA, nu ho Inkhawmpui pawh tluang takin an zo ta a, a lawmawm hle. I tawngtai pui zel ang u.
*    Kohhran chhungkua-a Damlo kan hriat theih chin te:- 1. Pi.Thuamliani   2. Pi.Laithangpuii     3. Pu.C.Mawia                       I tawngtai pui ang u. Hmaih palh a awm a nih chuan ngaihdam kan dil e.
*    Pathianni hmasa Issue, Power Supply awm loh avangin kan rawn chhuah mumal thei lova, in mi hriatthiamna kan ngen e

Editorial :
    Harhna chungchang  kan sawiin rilru-ah thil pakhat a awm thin. Min hringtu Wales ram kohhrante hi Zoram kohhrante tan inenfiahna tur pawimawh tak an niin ka hria. Wales ramah khuan harhna tum sarih lai mai a thleng a, a hnuhnung ber chu 1904 kha a ni. Tichuan hun a lo kal zel a, tunah chuan kum upa lam leh tarte bak inkhawm hmuh tur an awm mang ta lo a, kohhran nun pawh a chau hle ta. Keini ram pawh hi Wales ram ang hian tum 7 lai mai harhna lian tham kan lo tawng chho ve tawh a. Kan hma lam kum 25 vel lo kal turah hian eng nge kan an ve ang le?
    Zoram hian sual sim harhna a mamawh : Simna tih thu hi kan Bible-ah vawi 100 zet kan hmuh avangin a pawimawh a ni tih kan hre thei a. Simna hi Pathian thupek a ni a, kan Lal Isua pawhin rawng a bawl tan tirha a thu au chhuahpui hmasak ber chu, "Sim rawh u, Pathian ram chu a lo hnai ta" tih hi a ni.  Harhna chenchilh kohhran inti, kum 100 zet harhna champha hmangtu Zoram kohhranhote hian sual sim harhna kan mamawh tih hi sawi uar tawk leh sawi tam tawk a awm thei awm lo e. Pathian thinur, hremna pumpelh dan kawng khat chiah a awm. Chu chu inthawina hlante, thilpêk pek te ni lo-in nun dan siam that leh sual sim hi a ni. Sim duh chuang si lo chu inthawina leh thilpêk te leh pawn lam thiltih that ngawtin a chhan zo dawn chuang lo. Hei hi kan Pathian biak dan tur dik tak, harhna changtu Zoram ringtute mamawh harhna chu a ni.
Mission tobul chu Pathian a ni a, khawvela missionary hmasa ber pawh kan Pathian hi a ni. A hna a thawk zo a, a haw ta rih a. Mahse, a lo kal leh dawn a, a lo kal leh hmaa a hnathawh chhunzawm turin min ti a ni. Chuvangin kohhran din chhan, min chhandam chhan chu Lal Isua leh a hnathawh Chanchin Tha hril hi a ni. Kan Lalpa hian ringlo mite ni lo-in ringtute a ni min tirh ni. 'Kal ula, hril rawh u' titu kha amah kan Lalpa a ni a, a tirha te kan ni. Amah vekin Pa Pathian hnena a tawngtai khan, 'Nangin kei khawvela min tir ang khan kei pawhin anni chu khawvela ka tirh hi' tiin min hrilh a ni. Chuvangin Pathian duhzawnga kan harh thar lehna tur, harhna changtu zawng zawngten kan ngaihthah miah loh tur chu chanchin tha hrilh hi a ni.
    Pathian ropuizia a lo lan chhuah zel nan, kohhran a nun chhoh zel nan, ram leh hnam a din chhuah nan kristian chhungkaw din hi a pawimawh a, hemi hriatna kawngah Zoram hian harh tharna kan mamawh a ni. Kristian chhungkua-in kan society-ah te, kan ramah te, kohhranah te hian dinhmun a luah pawimawhzia te hi sawi tam tawk a awm awm lo e. Kan sawi nasa a, kan inzirtir nasa, hmasawnna pawh lang bawk mah se la a sawt chak lo hle a ni. Kan chhungkua, kan hnam leh ram damna hi khawvel thila innghat a ni lo. Pathian kan tihna, a thu kan zawmnaah a innghat a ni. Thiamna, hriatna, finna leh hausakna a lo pung nasa ta hle mai. Chu chuan kan nun phung leh khawsak a tidanglam nasa hle a, chu chuan malsawmna tam tak min thlen ngei mai. chuvang chuan Lalpa dan leh thupêk leh rorelte chu vawng nung tha zel in harhna dik tak chang turin i inbuatsaih ang u.

 Vawiin Sunday School Zirlai Zirtur te:
Beginner     : ENNAWN.
Primary              : ENNAWN.
Junior        : ENNAWN.
Intermediate    : Zirlai 25-na. ‘Thiltha ti a Pathian chawimawitu Dorki’ 
Changvawn     : Galatia 6:10.
Baptisma    :ENNAWN.
Senior ‘A’    : Zirlai 25-na. ‘Isua chhinchhiahna’  Changvawn     : Galatia 6:17.
Senior ‘B’    : Zirlai 22-na. ‘Chanchintha hril tute tana hriat tur tulte’.      Changvawn : Rom 10:15.
Vawiin hian Zirlai Pahnih kawp tur a ni.

TKP FELLOWSHIP PROGRAMME
Hruaitu            : Nl. Zosangzeli
Tantu            : Tv.C.Vanlalhriatrenga.
Hla thlang        : Nl. Zonunsangi
Bible Chhiar        : Nl.Hmingchungnungi
Ka hla duhzawng    : Tv.CMS Dawngliana.
Sharing             : A duh apiang tan.
Zan Inkhawm ban Tawngtai hruaitu : Nl. KC.Remlalhruaii.

Ni.1.9.2013 ISSUE
                            I FIMKHUR ANG U       II Tim. 4:5            Rbt.T.Lalhmingliana
    Mihring nun kawng hrim hrimah hian fimkhur hi a pawimawh hle mai a. Mi fimkhur apiang te’n thil an ti sual tlemin an daisual lo tlangpui thin. Mi fimkhur lote’n thil an tisual fo thin a, humsualte daiin thil tha lo tak tak an chungah a thlen phah fo thin a ni. Chuvang chuan mihring nunah hian fimkhur hi a tulin a pawimawh em em a, kan fimkhur loh avanga kan tih sual, keimahni chungah mai pawh ni lova midang chung thlenga kan tihsual hi a awm teuh thin a ni.
    Chutiang chuan kan ringtu nun kawng ah pawh hian kan fimkhur hi a pawimawh em em a ni. He khawvelah mi chi tinrengte kan cheng hova, Lal Isua neitu leh nei ve lote kan in chen pawlh nuai mai a, chuvangin ringtute hi kan nitin nunah hian kan fimkhur hi a tul em em a, hla siamtu chuan, “An chhinchhiah bik che, i chet zia an hril, i sawi apiang an ngaithla” tiin a lo phuah chhuak a. Chutiang tak chuan kan bul vela mite hian ringtute hi  kan nun leh chetzia an thlir reng a, kan thiltih leh thusawi te min lo thlithlai reng thin a ni.
    Hei hi ringtu tam takin kan hriat thin loh avangin kan nun kan fimkhur lo hle thin a. Keimahni avangin mi tam takin pianthar an hreh phah fo thin a, hei hi a pawi em em a ni. Keini mi piangthar tawhte nunah hian Lal Isua hmel hmuh an tum fo thin a, kan thiltihah dikna leh rinawmna an zawng thin a, an hmu lo fo thin. Chuvang chuan kan rawngbawlna thleng pawhin a tawrh phah fo thin a, rah kan chhuah thei lo fo thin a ni. Keimahni nun atan ngei pawh hian fimkhur hi a pawimawh em em a, kan fimkhur loh avangin kan awmlohna turah kan awm fo thin a, kan tih loh tur kan ti fo thin a, kan sawi loh tur kan sawi fo thin. Chu kan fimkhur lohna chuan kan nun a rawn vaw let a,a tuartu chu keimahni kan ni leh fo thin. Chuvang chuan kan nunin a tuar a, a lo chau va, tam tak phei chuan kan tluk phah fo thin reng a ni. Ringtu nun fimkhur apiang te’n hma an sawn a, anmahni tan chauh pawh ni lovin midang tan pawh malsawmna an ni fo thin a ni.
    Keini ringtute hian kan nun leh Lal Isua chanchintha a inmawi em tih te, ka nunah hian hian mite’n Lal Isua hmel an hmu angem tih hi kan in enlet fo a tul a ni. Pathian chawimawitu leh ti ropuitu, midangte tana malsawmna ni tur kan nih lai hian kan fimkhur loh avangin Lal Isua timualphotu, thlarau thianghlim ti lungngaitu leh tivuitu, midangte tana nunna kawng daltu kan ni ang tih hi a hlauhawm hle a ni. Kan fimkhurna tur tam tak zingah tlemte lo tarlang ila :-1. Kan hnathawhna ah : Hna chi hrang hrang thawkin, eizawnna kawng hrang hrang kan nei theuh a, chung kan hnathawhna hmunah theuh chuan kan fimkhur tawk em? Lal Isua neitu ka nihna hi ka hna thawhpuite hian an hriain an hmu angem le? Thenkhat chu Sorkar hna thawk, nitin Officce kal thin te kan ni a, Office tan huna kan thlen loh fo te leh, kan hun aia hmaa kan haw fo thin hian kan thawhpuite hian mi piangthar hmuhin min hmu angem? kan thawhpuite bula kan khawsak zia ah te, min dawrtute kan biakna ah te Lal Isua neitu ka nihna ka lanchhuah tir thin em? Heng thil hote ni a kan hriatah te hian kan fimkhur a pawimawh hle a ni. Tin, thenkhat chua kut hnathawk te kan ni a, kan hnathawhna hmunah te chuan Lal Isua neitu kan nihna hi kan lanchhuah tir fo thin tur a ni dawn lawm ni? Kan thawhpuite hian mi piangthar hmuhin min hmu em tihte hi kan inngaihtuah fo a pawimawh hle thin.
    Hnathawhna kawngah hian a bik takin Thalaite kan fimkhur a tul hle in ka hria. Tunlai ah Nu leh Pa, kum lama upa zawk leh chak lo zawk te’n thahnemngai takin hna an thawk a, thalai, kum lama naupang zawk leh chak (Sermon zawmna) zawkte a thawk tlem zawkah kan tang fo thin. Hei hi a pawi em em a ni. Thatchhiat leh ringtu nih a inmawi lova, ni piangthar tak takte an thatchhe ngailo a ni tih hi kan hriat a, thatchhe lo tura kan fimkhura tan kan lak a ngai hle a ni.
    2. Kan tawngkam hmanah : Ringtute chu kan tawngkam hmanah te leh mi kan biangbiak danah te, kan thilsawi duhzawngah te pawh kan fimkhur a ngai tak zet a ni. Mi thilsawi ang apiang sawi ve thei kan ni tawh lo a ni tih te hi kan hriat nawn fo a tha. Kan tawngkam chu chi a al, khawngaihna tel a nih theih nan i fimkhur teh ang u.
    3. Kan mit hmuh leh beng hriatah : Heng ah te hian kan fimkhur a va pawimawh em! Kan mithmuh leh benga kan hriat te hian suala min hruai luh fo thin avangin hengah te hian ringtute hi kan fimkhur a ngai hle a ni.
    A tawp berah chuan, ringtute hi tlang chunga awm, mi zawng zawng hmuh leh chhiar kan nih avangin kan thiltihna kawng engkimah kan awm dan leh Krista chanchintha a inmawi theih nan fimkhur takin kan nun i hmang ang u.


Environment humhalh  tih hian ram leilung chhe zel te, thing leh mau rem zel te, nungcha mang zel te, boruak leh tui bawlhhlawh mek te humhalh leh venhim a tulzia inzirtirna a ni ber a. Heng kan han tarlan tak te hi kan ngaimawha, a chhe zel tur laka invenna kohhran ho hian kan ngaih pawimawh loh chuan chhiatna zakhua kan la tawng dawn a ni tih hriaa theihtawpa tan la tura inzirtir hi a tul hliah hliah a ni. Mihring dinhmun hmasawnna leh chanvo inang tlanga kan chan theuh theihna tur leh chhehvel thil tichhe lo thei ang ber leh khuanu ruat sa timang lo zawnga ei-bar zawnna ngaihtuah leh hlawk leh thil tichhe tlem thei ang ber ngaihtuah a pawimawh hle.         Sawrkar programme a ni emaw mimal sumdawng thil tih a ni emaw a rama thil awmte tichhe tur leh a mi chengte tawrhna thlen thei sum hmuhna a nih phawt chuan a him tawk lo a ni. Kan veng, kan khua, kan rama ruahmanna awmah hian kan tel ve em le? Ram leilung kan hman dan te, ei-bar kan zawnna te, thing leh mau kan mamawh dan te, nungchate chunga kan rilru put hmang kawng hrang hrang hian mimal nun a nghawng a, vantlang nun a nghawng a, ram hnuk a khawih phak vek avangin fimkhur taka kan kalpui a tul a ni. Kan neih sa kan hman tangkai dan leh kan renchem dan hian kan tangka ip a nghawng tel zel avangin mi tinin mahni tih theih tawk theuh kan tih a pawimawh hle. Leilung leh a chhunga thil awmte kan ren thiam a, kan humhalh that chuan keimahni nawmna tur vek a ni tih hriaa ngaihtuahna thar kan hman a tul hle. Mi tinin mahni awm hmun theuhah heng Chhehvel tichhe tlem thei ang bera khawsak zir ila, Polythene bag hmang tlema, puan emawa siam bag uar zawk a va hun ta em!. A remchan phawt chuan no pangngai, hman nawn theih hmang uar ila, paih mai theih no ang chi te hi i intihhmuh lo teh ang u. Ram leilung tibawlhhlawhtu, hal khu hriselna atana pawi thei, paiha tawih ral si lo, a then fai nana tha leh sum tam tak sen ngai a ni tlat mai.si.
    Mahni ram thar chhuah ngaisangin a ei pawh i uar lehzual ila, Ram dang thil chawk luh nan hian tha leh zung, sum leh pai, ram hausakna thlengin a kal ral nasa si a, Mahni tharte hi a man a tlawm ve pawh a pawimawh khawp mai. A rem phawt chuan thing hi phun zel mai ila, a awmsa phei chu hawh u tha takin i humhalh tlat ang u. Thing a tam poh leh tuihna a tha a, ram a hnawng a, boruak a thianghlim mai dawn si a. Ram leh a chhunga awm thil tinrengte hi kan tana hna tangkai thawk vek an ni a, kan mamawh tih hriat reng tur a ni. Kan nun khaw nawm leh zualna tur nia kan ngaih, khawsak awlsam zawkna leh thiam thil hmasawnna pawh hi kan sum tlang tihek lo leh leilung leh a chhunga awmte tina lo zawngin a kalpui theih a ni tih hi i vawng reng ang u.


September thla chhunga USHER turte :
1.     Tv Cms Dawngliana(Leader)
2.     Tv C. Lalhriatrenga
3.     Tv Lal Zarzova
4.     R. Malsawmkimi
5.     Nl Lalfamkimi Ngente
6.     Nl Saizikpuii sailo
7.     Nl Ngurthansangi Sailo


Vawiin Sunday School Zirlai Zirtur te:
Beginner     : Zirlai 22-na. ‘Isua pian thu’.   Changvawn    : Isaia 9:6 (a).
Primary              : Zirlai 22-na. ‘Isua’n naupang chhang a hmang.’         Changvawn    : Joh. 6:35
Junior        : Zirlai 22 na. ‘Israel chanchin: Roreltute hun lai’.          Changvawn : Deut. 5:8.
Intermediate    : Zirlai 22-na. ‘Lawmnaa khat Hani’  Changvawn     : Phillippi  4:4.
Baptisma    :Zirlai 22 na. ‘Thlarau thianghlim leh a hnathawh’    Changvawn : Johana 11:16.
Senior ‘A’    : Zirlai 22-na. ‘Pathian chibai buk’  Changvawn     : Johana 4:24.
Senior ‘B’    : Zirlai 22-na. ‘Chanchintha hril tute tana hriat tur tulte’.      Changvawn : Rom 10:15.
Vawiin Sunday School tantu  :    Tv.R.Hmingthanmawia.


Nl. Malsawmliani, kan Missionary pawh a dam tha a, Zirtawp zan khan a lawina Kohhranah thu sawiin vawiin hian a lawina Kohhranah bawk Apatani tawngin thuchah a sawi leh ang. Baptisma chang turte Interview an neih pui bawk ang a, Zanin hian thuchah a sawi leh ang. Tawngtainaah i hre reng ang u.
*    Pu. C.Lalngilneia te chhung pawh an dam tha a, School pawh tluang takin an la kalpui zel. Rawngbawlna chanchinthar em em an nei rih lo. I tawngtaipui zel ang u.
*    Khawtlangah chhiat tawk kan awm nual avangin Evangelical Cell Programme pawh siam rih loh a ni a, remchang hmasa berah chhunzawm leh tura tih a ni.
Kohhran chhungkua-a Damlo kan hriat theih chin te:- 1. Pi.Thuamliani   2. Pi.Laithangpuii     3. Pu.C.Mawia                       I tawngtai pui ang u. Hmaih palh a awm a nih chuan ngaihdam kan dil e.
*    Chanchinbu chungchanga harsatna leh sawisel duh leh thurawn nei chuan Editorial Board hnenah thlen theih reng a ni a, Sermon leh Article ziak thei te chuan inthlahrung lovin rawn ziak zel teh u.

Ni. 25.8.2013 ISSUE
I INPEIH EM?    (Mathaia 25:13)     Rbt. H.Lalramhluna
    Mihringte dam chhung kum hi Mosia chuan chiang takin kum 60, chakna avangin kum 80, chumi bak chu thawhrimna leh lungngaihna mai a nih thu min hrilh a. Puantah tu-in a puanbu a zial ang hian kan damchhung ni hi zialin a awm ngei dawn a, Puantah tu’n a Thembu a ta Puan a chep chhum ang hian kan tawp hun hi a thleng ngei dawn a ni. Nimahsela, Pathian thu chuan mihringah chuan chatuan a dah a ti a, chu chatuan mi kan nihna taka chu kan hriatchian a tul a, chu chatuan hun ngaihtuah chuan kum 80 hi chu mitkhap kar ang chauh a ni tih hi a dik tak meuh meuh a ni.
    Mihring te hi Pathian in a siam dawn hian Vaivut (Lei) in a ruangam a din a chu ruangam ah chuan Pathianin  a pawl theih turin Thlarau(Nunna thaw) a dah(thawlut) a, tichuan Mihring chu Minung a lo ni ta a ti a. He Thlarau kan neih, kan nunna tak a hi ral ve tawhlo tur leh thi ve tawhlo tur, chatuan mi kan nihna chu a ni a. Kan lei taksa erawh hi chu damchin nei leh tawpchin nei a ni thung a ni. Chatuan mi kan nihna erawh hi chuan tawp hun emaw ral ni a neih ve dawn tawh loh avang hian i chatuan hmun tur i dawn changin i lung a awi em le?
    Mihringte damchhung hun chu Phul Pangpar angin a tehkhin a zingah chuan mawi takin a lo par chhuak a, tlai lamah chuan a lo vuai a, a chuai leh mai ang hian Mihringte pawh hi kan vanglaini ah chuan mawi takin kan taksa leh hmelte pawh duhawm takin a par a, TKP kan nih hun chhung ah phei chuan a mawi em em a ni. Mithiamte chuan mihringte hi kum 40 hma zawng chu kan thang a, mawi takin kan par a, kum 41 atangin kan uaithla leh a, vanglai a chuai leh tan a ni an ti a, chutiang chu nimahsela kan khualzin kum tur hi tumahin kan hre lova, thenkhat chu kum khat lek an khualzin hun hmang te, kum 10, 20, 30 tiang chuan thlanmual ah hian en ta ila kum bithliah a awm lo a ni tih chiang takin kan hria a ni.
    Hetiang ang mihring, mahni hun pawh hrelo kan nih avang tak hian Lal Solomon-a chuan, “ Thalaite u, in that lai chen ula, in la naupan viau lai hian hlim rawh u, amaherawhchu in chungah Pathianin ro a rel dawn a ni tih hre reng ang che u” tiin thalaite hnenah thuchah a nei a, a pawimawh hle a ni. Kan that lai ngei pawh hian kan khualzin kum hi tawp mai thei a ni tih kan hriatchian a pawimawh. Pathian rorelna kan hmabak a, chu rorelna chuan chatuana chawlhna leh chatuana boralna(hremhmun) kan chan tur a rel fel hun a nih tawh dawn avangin, “Kan chungah Pathianin ro rel dawn a ni” a tih hi kan fimkhurna tura min pho lan sak (Vaukhanna) a ni. Chuvang chuan chatuan mi kan nihna a kan thlarau chawlhna tur lungkham leh ruahman fel tura kan damchhung hun reilo te hi kan chance neih chhun a ni tih hria a, Lalpa tana am taka hmang tur kan ni tih kan inhriat thar leh a pawimawh tak zet a ni.Hla siamtu chuan inpeih lote inpeih a hun, sual tihchah pawh a hun ta e, kan tan khua a tlai hma hian hnunglam paiha hmalam umin, tawngtai leh pianthar a hun ta a tih ang hian muang thei kan ni lova chawl hman kan ni tawh lo tih i hre thar leh ang u. Thalai huaisen, khawvel tlansan ngam TKP member kan nih a hun tak meuh a ni.
    Awle kan damchhung ni kan hman dan hian kan chatuan hun hman dan tur reltu a nih avangin tun hun ah hian ka la inpeih rihlo a nih chuan nakin atan khek chi a ni tawh lo, tun hun ah hian Lal rawng kan bawl theilo a nih chuan, nakinah ti a indah that chi a ni tawh lo. Hun a tlem ta khawngaihna hun zahngaihna ni a liam tan ta tih i hre mawlh ang u.Kan damchhung hun hi Thawnthu angin a la tawp dawn a, nang leh keia chanchin hi engtin nge an zial anga, van lam hian engtin nge a lo chhinchhiah ang le? kan hun kal tawh ah khan kan chanchin hi  a lo ngaihnawm tawhlo a nih pawhin kan thawnthu tawpna tur lam ah tal hi chuan  ngaihnawm taka a tawp theih nan theihtawp chhuah in i inbuatsaih ang u.  “ Hetah hian khawhmun nghet kan nei si lova”  tih ang hian kan chatuan Pa lenna ram ah kan haw thuai dawn a ni tih hria in, lawm taka amah tawk turin inbuatsaih theuh ang u.  Amen.

Programme :                KOHHRAN
Ni. 25.8.2013 Zing    : Upa Lalthanga.
Ni. 25.8.2013 zan    : Upa. Lalchhuanthanga.
Inkhawm hruaitu    : Rbt. Zachhingi.
Ni. 28.8.2013 Nilai zan        : Upa R.Vanlallawma.
            TKP
    25th August, 2013 Fellowship Programme
Hruaitu        : Nl. Lalrodingi
Tantu        : Nl.Saizikpuii Sailo
Hla thlangtu    : Nl. F.Lalbiakhlui
Bible chhiar    : Tv. MS Dawnga.
Thuchah    : Nl. R.Lalramdinmawii
Extempore Speech    : Pu. T.Zabiaka.
Evangelical Cell Tlai chawnghei tawngtai
Hruaitu : Nl.K.Lalhriatpuii.
Zan Inkhawm ban tawngtai hruaitu : Tv.Lalneihkima.
            BMP
    Ni. 25.8.2013 Fellowship Programme :
Thuzir Hruaitu    : Pu. Lallawmawma.
    Zirlai 12-na zir tur a ni ang.
            KNP
    Ni. 18.8.2013 Zing Inkhawm Programme:
Hruaitu        : Pi.Vanlalhnemi (Leader)
Tantu        : Zonunpuii.
Hla thlang    : Nancy Zohmingsangi.
Thawhlawm    : PC.Lalremruati & Lalchhanhima.
Inkhawmpui ami tur Thu leh Hla zir nghal tur a ni ang.
BKHP
    Ni 25.8.2013 Sunday Programme :
Sumtuak Fehchhuah neih tur a ni
Hruaitu            : Pi. Remziki.
Ni. 26.8.2013 Thawhtan Zan Inkhawm Programme
Hruaitu            : Pi. Rebec Lalthangmawii.
Tantu            : Pi. F.Ramdinsangi.
Thilpek Lakhawmtu     : Pi. Lalsangliani Sailo.
Thuchah        : Pi. Remziki.
Zirtawp zan Tu leh fate Pual    : Pi. Zopari.

Vawiin Sunday School Zirlai Zirtur te:
Beginner : Zirlai 21-na. ‘Nghapuiin Jona a dawlh’.   Changvawn    : Tirhkohte  3:19 (a).
Primary              :
Junior        : Zirlai 21 na. ‘Israel chanchin: Kanaan ram luh hun lai’.  Changvawn : Joshua 1:8.
Intermediate    : Zirlai 21-na. ‘Ringtute vanduaina leh Joba tuarna’  Changvawn : Rom  8:28.
Baptisma    :Zirlai 21 na. ‘Kohhran Inrelbawlna’
Changvawn : Tita 1:5
Senior ‘A’    : Zirlai 21-na. ‘Midangte tana Malsawmna’  Changvawn : Genesis 12:2.
Changvawn     : Matthaia 18:19.
Senior ‘B’    : Zirlai 21-na. ‘Israelte kal sualna-chanchintha an hnawl’.  Changvawn : Rom 10:10.
Vawiin Sunday School tantu  :    Pi.Vanlalhnemi.

Article : Protestant Kohhran hi mipui tam zawk duh dana kal kan ni a. Hemi avang hian kan zalen a, tlawmngai pawl ang maia kalna chin pawh a awm thin. Hei hian thatna a nei a, that tawk lohna pawh a nei a ni. Chuvangin, hruaitu hian hun a hmang thiam tur a ni. Pathian biak inkhawm hruaitu mawhphurhna hi a pawimawh em avangin kohhran tam berah chuan Ordained Minister leh Upa te chauh ruat an ni thin. Pathian Biak inkhawma hruaitu tana hriat tur tlem i han tarlang teh ang :
    1. Thil tul lo, ama chanchin emaw khawvel thildang chanchin emaw a sawi duah tur a ni lo. 2. Pathian chibai buk tura mipui lo kal ten thinlung taka Pathian chibai an buk theih nan an rilru a buatsaih tur a ni. 3. Hruaitu chu a kal tlai tur a ni lo. Mipui an thut thup tawh hnu a hruaitu thutna a ruah chuan mipui rilru a hnual thei. 4. Hruaitu chuan thuhma sawi duah lovin ziaksa enin fel takin inkhawm a kaihruai tur a ni. Hei hian inkhawm a tizahawm a, hun pawh a titawi thei a ni.
    Call to Worship : Hei hi Pathian chibai buk tura mipui sawmna a ni. Entirnan, ‘Aw lo kal rawh u, Lalpa chawimawiin hlim takin i zai ang u’ tih thu hmang hian hlim hmel pu takin mipui lam hawiin hruaitu chuan mipui sawm se, Bible chang hi vawng thei se a tha. Hruaitu chu Pathian chibai buk tura mipui rilru buatsaihtu a nih avangin thil ho mai mai leh mipui nuih dur durna tur fiamthu te a thawh tur ani lo.
    Invocation : Hei hi Pathian malsawmna dila tawngtaina tawi a ni. Malsawmna dil hma hian Pathian ropuinate, thianghlimna te, thiltihtheihna te leh hmangaihna te uar taka puan hmasak a tha.
    Pathian fakna hla : Worship Service ah hian mahni inbih ngeih ngeihna lam hla ai chuan, pathian ropui rawh se, chhandamna petu, tih angte a bul tan a tha.
    Khuangpu : Khuangpu tha chuan tui takin mipui a zai tir thei. Khuang ben/vuak hi Musical Instrument dangte ang bawka zir leh thiam theih a ni a, kan zir a, kan infuih zel pawh a pawimawh ang. Khuangpu chuan Tonic Solfa tal a thiam tur a ni.
    Keyboard : Biak In tinah Keyboard kan hmang tawh a, Keyboard zir tur pawh Kohhran hian a ngaihtuah thin. Amaherawhchu tun thleng hian kan mamawhna leh beiseina min la phuhru zo lo hle a, heti lamah hian tan kan lak pawh a pawimawh hle a ni. Inkhawm kal laia zawi muang fan raiha Pathian fakna hla an han tum riai riai hian Pathian be turin mipui rilru a buatsaih thei a, Biak In hi Keyboard zirna hmun a ni lo tih hi hriat reng tur a ni. Keyboard inkhawm kal laia a lo tum riai riai tur leh hla sak ho tur dangte hma deuhin Hruaitu tur hian pe thin se hma kan sawn a rinawm.


Beirual thuzir chungchang hriattirna.
Administrative Committee chuan kumin 2013 atangin Beirual Thuzir hun atan September 21-30 a ruat a. Amaherawhchu inhriattirna hun duh angin a neih hma theih loh va. Tualchhung Kohhran eng emaw zatin September thla chawhnu lamah programme lian leh pawimawh tihdanglam chi loh kum tir atanga ruahman kan nei tih hriat a ni a. Chuvangin BCM Puipate leh Head of Department te inrawnkhawm chuan programme lian leh pawimawh lo ruahman lawk tawhte chu lo ruahman lawk anga kal mai ni se; chawhma lama Thuzir tura lo inruahmante pawh tu mah inthlahrung lovin tum tlang mai ni se tih a ni. Nakum (2014) atang chuan September 21-30 hi kum tin Thuzir hun atan hman theuh tawh tur a ni tih kan inhriattir nghal a ni e.       Sd/-General Secretary,

Nl. Malsawmliani, kan Missionary pawh a dam tha a, Baptisma chang turte tunlai hian Class an neihpui mek a, Zirtawp zan khan a lawina Kohhranah thu sawiin kar leh Nilai zan hian a lawina Kohhranah bawk thuchah a sawi leh ang. Tawngtainaah i hre reng ang u.
*    September Thla tir atang hian Revival Camping, Chanchintha chhuangtu Team te ruaiin neih tur a ni dawn a, Kohhran mite Camping a lut turin i lo inbuatsaih ang u.
*    Ni. 28 & 29, Aug. 2013 hi Assembly Executive Committee hun tur a ni.
*    Bialtu Pastor Programme : Theiriat Pastor Bial TKP Inkhawmpui ah Speaker turin nimin khan Lungleiah pheiin Ni. 28 & 29, Assembly Executive Committee a hmang nghal ang.
*    Mizoram Baptist Kohhran, Finance Department chuan kumin kum kal lai mek, April – July, 2013 chhunga Assembly Target hmuh dan a tarlang a. Thla li chhunga sum lo lut hi Target atanga chhutin 35.43 % a lut tawh a. Thla 8 hmabak kan la neih-ah hian kumin Financial Year atana Target kan neih chu Pathian leh Kohhrante zarah kan tlin ngei a beiseiawm hle a ni.
*    Kohhran chhungkua-a Damlo kan hriat theih chin te:- 1. Pi.Thuamliani   2. Pi.Laithangpuii     3. Pu.C.Mawia                       4. Pi.Lalthangliani.  I tawngtai pui ang u. Hmaih palh a awm a nih chuan ngaihdam kan dil e.
*    Pu. C.Lalngilneia te chanchin kan hre thei lo tlat mai. A contact No. nei chuan min lo pe teh u.  

       Ni. 4.8.2013 ISSUE
 ‘ LALPA HMAN TLAK ’ -Rbt. H.Lalhunthara
Thalai Kristian Pawl Serchhip Unit in BCM SERCHHIP AW a ti chhuak thei hi a lawmawm hle a, Kohhran tan hmanraw tangkai tak a nih ka beisei tlat a ni. BCM Serchhip Aw chhuak hmasa bera hruaituten thuchah tarlanna remchang min pe hi Pathian leh hruaitute chungah lawmthu ka sawi a ni.
Zoram ringtute heti zat awm zingah LALPA hman tlak loh tam tak kan awm si hi inngaihtuah chian a tul hle in alang a ni. Lalpa mi hman tak takte kan hre thin a, an mahni kal tlanga Pathian hnathawh leh a ropuina a puan chhuahte kan hmu in kan hre thin a, hetiang kan hmuh chang hian Pathianin hetiang atan hian min hmang ve se kan ti fo thin. Pathian hnenah pawh a hman atan kan inpe in kan in hlan thar fo thin a, nimahsela kan beisei angin Pathianin min hmang mai thei silova, kan beidawng fo thin a ni.
Doctor hna thawk tur chuan Medical, Science lam thiamna neih a ngai a, Electronics lam siam tur pawhin hetiang lama thiamna neih a ngai a, Khawl lam siam tur pawhin hetiang lama mi thiam an awm a tul thin. Sipai tang tur pawhin mi zawng zawng tan a tan ngawt theih loh ani. Chutiang bawkin Lalpa hman tlak ni tur chuan tuna kan sawi tur hi kan hriat a kan zawm a ngai ani. 1. Thianghlimna : Thianghlimna tel lo chuan Lalpa hman tlak a nih theih loh a ni tih kan hriat a tul. Kan nitin nun, kan eizawnna ah te, nula tlangval kan inrim tawnna ah te, kan thian kawmna ah te he thianghlimna hi kan vawn reng loh chuan Lalpa hman tlak a nih theih loh a ni. 2. Lalpa pawl thin : Nitin Lalpa pawl thin leh Pathian duhzawng hretute hi Lalpa mi hman te an ni fo thin. Pathian pawlna(Tawngtaina) hmang ngailo te hi Pathianin a hmang tak tak ngailo a ni. Chuvangin Lalpa hman tlak ni tur chuan Pathian pawlna tha neih a ngai a ni. 3. Inpekna a ngai : Pathianin Isaia a koh khan, “Kei heta hi ka awm, min tir ta che” tiin Isaia’n a chhang a. Tun huna keini ringtute pawh hi Kohhran kaltlangte, FOD Committee peng hrang hrang kaltlanga mawhphurhna hmangin Pathianin min ko thin a, heng kohna Pathian Aw a ni tih hria a pawm thin tute hi Pathian mi hman an ni fo thin a ni. Rom 12:1 ah chuan, “In taksa chu inhlanah ka ngen a che u, chu chu in rawngbawlna awm reng a ni” tih kan hmu a, Ka chauha inpek hi a tawk lova, taksa ngei a tel hi a tul a ni. Inpekna hi Taksa, rilru, thlarau a nih a ngai.
4. Hrehawm tuar a ngai : (II Tim. 4:5) Kross kawng hi mihringte ngaihah chuan hrehawm a ni fo thin. He kawngah hian tahna te, tuarna te, thihna te, channa te a awm a ni. He kawng zawhtute hi Lalpa mi hman te an ni thin. Lalpa hman tlak ni tur chuan, he kawng hi kawng danga pen san theih a ni lova, Lalpa rinchhana zawh zel a ngai a ni.
Awle Lalpa hman tlak ni turin i inbuatsaih thar theuh ang u. Thianghlimna kawngte, Tuarna kawng zawh tur te leh Tawngtaia Lalpa pawl thin a, Lalpa min kohna chhang tura taksa ngei pe chhuak tur te in kan in sawm a ni.
Lalpa’n a thu malsawm rawh se.  AMEN.

Vawiin Sunday School Zirlai Zirtur te:-
Beginner : Zirlai 19 na. ‘Solomona’n finna a dil’.
Primary  : Zirlai 19-na. ‘Midang hek thatloh zia’.
Junior: Zirlai 19-na. ‘Israel chanchin-Aigupta a awm hunlai’.
Intermediate : Ennawn. Zirlai 16 - 18 na ennawn a ni anga, Appendix (Missionary Sunday) ami  a tel bawk ang.
Baptisma : Zirlai 19-na. ‘Lalpa zanriah pawimawhna’.
Senior ‘A’ : Ennawn. Zirlai 16 - 18 ennawn a ni ang a, Appendix IV (Missionary Sunday) ami a tel bawk ang.
Senior ‘B’ : Zirlai 19-na. ‘Tunah tuarna-nakinah ropuina’ tih zir tur a ni ang.
Vawiin Sunday School tantu   :   Tv. CMS Dawngliana.
(Kan sawmna ngaipawimawh-a, Sermon ropui tak min ziah sak tu Rbt.H.Lalhunthara chungah lawmthu kan sawi e.)     Editor.

           KOHHRAN
Ni. 4.8.2013 Sunday Zing : Rev. L. Rawna.
Ni. 4.8.2013 Sunday Zan : Rbt. H.Lalramhluna.
Inkhawm Hruaitu : Upa T.Romama.
Ni. 7.8.2013 Nilai Zan : Rbt. Lalbiakliana.
Ni 10.8.2013 Inrinni Zan : Upa T.Zakunga.
Inkhawm Hruaitu : Upa. F.Sawithanga.
August thla Mike Operator : Pu.T.Vanrammawia.
Deacon : 1. Upa Lalthanga.   2. Rbt. C.Zolawma.
Musician : 1.Pu.F.Lalrinawma  2. Tv.Samuel   LS. Zuala.
Hla hriltu turte   :   Nl.K.Lalhriatpuii   &   Pi.Lalremruati.
Zai hruaitu : Rbt. LP.Lalsanglura.
TKP
      Ni. 4.8.2013 Sunday Fellowship Programme:
Hruaitu : Nl.R.Malsawmkimi      
Tantu : Tv.Lalzarzova.
Hla thlang : Nl.Jessica Lalruatmawii
Bible chhiar : Nl.Lalhruaitluangi.
Thuchah : Tv.Vanhmingliana.
      Missionary Pual Tlai chawnghei tawngtai
Hruaitu : Nl.Lalnunengi.
Mahni ei ai ken khawm tur a ni.
   Zan Inkhawmban Tawngtai Hruaitu : Nl.T.Lalbiakfeli.      
Ni 5.8.2013 Monday Zan  Programme
Hruaitu : Pu.T.Vanrammawia.
Tantu : Nl.Lalfamkimi.
Hla thlang : Tv.F.Lalneiha    
Solo : Nl.R.Malsawmkimi.
Thuchah : Pu.C.Lalhruaitluanga.
August thla Usher turte:
1.Tv.David Lalfakawma (Leader)  2.Tv.John Vanlalzama
3.Tv.Lalruatkima Sailo. 4.Nl.T.Lalbiakfeli.
5.Nl.Lalnunengi   6.Nl.Zosangzeli      7.Nl.J.Lalrinzuali.
BMP
  Ni. 4.8.2013 Sunday Fellowship
Hruaitu : Tv. C.Lallunghnema.
BCM Serchhip Kohhran Upa zat : 7
Rawngbawltu zat : 10.

BKHP
   Vawiin Fehchhuah Programme :
A hmun : Rbt. C.Zolawma te In, Zozam Veng.
A hun : Sunday School ban.
Thu zir kaihruaitu : Pi.Lalhmunmawii.
Zirlai 8 na zir tur a ni ang.
Ni. 9.8.2103 Zirtawp zan Tu leh fate pual tawngtai:-
Hruaitu : Pi. Vanlalremi.
KNP
          Ni. 4.8.2013 Sunday Zing kar Inkhawm.
Hruaitu : Nl.Lucy Lalmuanpuii,
Tantu : Esther Zonunsangi
Hla thlang : K.Lalrinkima.
Thilpek lakhawmtu : Lalpekhlu-a     &   Lalvensangi.
Inkhawmpui lo awm tur atan thu leh hla an zir bawk ang.
Bialtu Pastor Programme :
Ni. 1.8.2013 zan atanga zirtawp zan thleng khan N.Serchhip Kohhranah TKP pual Revival Camping ah Speaker niin hun a hmang a, Ni. 5.8.2013 atanga tan turin Lunglei Farm Veng Kohhranah Revival Camping Speaker a ni ang. Rbt.H.Lalramhluna leh Pu.C.Lalhruaitluanga ten harsatna dang a awm anih loh chuan an tawiawm theih beisei a ni.
Kohhran tihnghehna tha ber chu chanchin tha hril a ni.
Krista avangin engkim ka kalsan a, Krista avangin engkim ka hmu let leh.  -  John Calvin.
Kan chanchinbu hi a head-a Website leh email kan dah ah khian chhiar leh thu ziak thawn theih reng a ni e. Ed

Editorial : Tunlai khawvel changkang zelah Kohhran hote pawh hian changkan lam kan pan ve zel a, Media lam a than chak ang zela Kohhran te pawh kan than ve zel a pawimawh. Hun rei tak chhung TKP ten chanchinbu an lo kalpui tawh , rokhawlhna leh harsatna eng eng emaw vanga kalpui tawh loh chu tunah hian chhunzawm leh an ni ta hi a lawmawm hle mai. Kohhran hote’n tangkai taka kan hman thiam a pawimawh hle ang. Unit TKP te thahnem ngaihna leh rualawhna avangin kalpui leh tan a ni a, a enkawltu Unit TKP te pawh kan fin chhuah a tanpui an ngaihna zawna tanpui a kan thawhpui hi Kohhran hote’n kan bat a ni tih i hre reng u. A chhiat a that ah Kohhran hmel lanna ber a nih dawn avangin thahnem i ngai tlang teh ang u.
A man chungchang pawh hi ngun taka ngaihtuah a ni a, sum lamte harsa lova a thlawna han tih chhuahte pawh kan duh reng laiin sum lam harsatna avangin tunah chuan kan thei rih silova, Pathian zarah tih theih hunte pawh a la awm kan beisei. Chhungtinah a na lo thei ang ber tura thla khata Rs. 10/- a khawn ve nise kan ti a, Kohhran chhungkua te pawh min lo hrethiam turin kan han beisei ngawt mai che u a ni. Khawvel changkang zelah Kohhran tin deuhthaw in chanchinbu an nei ta a, kan rualawhnate ti puitling a hma lam pan zel turin Kohhran hote min thawhpuina kan ngen tak meuh meuh che u a ni.
Sermon chhuah tur ziak leh thu chhuah tur chungchangah tumah inthlahrung lo turin kan in ngen a, Kohhran chanchinthar ngat phei chu in hriattir zung zung turin kan beisei tlat che u a ni. Thu chhuah tur ziak chungchangah Kohhrante tan kan lak a ngai hle mai. Ziaka rawngbawlna hi Missionary tluk tho-a rawngbawlna ani a, Taihmak chhuah hram hram ang u. Tangkai taka chanchinbu hman hi Kohhran mipui ten kan tih tur a ni tih i hre theuh ang u.

         KOHHRAN THU THAR
* Ni. 2, August 2013 (Zirtawpni) kha Kohhran Upa Exam ni a ni a, kan Kohhran pawhin Exam mi pahnih Rbt. LP.Lalsanglura leh Rbt.H.Lalramhluna te a nei ve a, tha taka Exam an nei thei a, an pass ngei kan beisei.
* Vawiin hi thlai thar hlan ni a ni a, kan thlai thar neih te hlan turin kohhran hote i inbuatsaih ang u.
* Baptist Church of Mizoram, Mission Board Committee meeting, July 23-24, 2013-a thukhawm chuan Missionary tur pali a la thar leh ta a, heng Missionary lak thar te hi Orientation neihpui an nih hnu-ah  Tirhchhuah Inkhawm neihpui an ni ang a. August thla chhungin an thawhna hmun theuh thleng hman tura ruahman a ni. An thawhna hmun tur  hi Mission Board Committee aiawhin Headquarters a Mission changtuten an la siam dawn a ni.
 Missionary lak tharte :-
1.C.Lalremruati, D/o C.Zokunga(GNM) Lawngtlai AOC
2.R.Lalthuammawii, D/o Zawlhmingthanga Ralte (BA Hons ;BCA) W.Bunghmun
3.Vanlalbiaktluangi Sailo, D/o Lalzara Sailo (BA Hons;M.Div.) College Veng, Lunglei
4.R.Lalrindika, D/o  R.Lianzuala (MA Pol Sc.) Zobawk Vengthar
 Heng bakah hian Missionary thawk mek. Temporary Post atangin  Pu H. Lalhuliana, Evangelist Teacher(HM), Bethbunya chu Substantive Post-ah hlankai a ni a. Tin,  Contract Basis a thawk lai,  Pu P. Lalrinsanga, Evangelist Teacher, Nghalimpui chu Temporary Post-ah hlankai a ni bawk.
* Kohhran chhungkua-a Damlo kan hriat theih chin te:-
1. Pi.Thuamliani     2. Pi.Laithangpuii      3. Pu.C.Mawia   4. Pu.LH.Zosangliana.  5. Tv.R.Lalremsiama.                    6. Pi.Lalbiaknii.  7.Pi.Lalthangliani.  8. Pi.Lalhmunliani
 I tawngtai pui ang u.
* Rev.J.Lalduhawma te chhung, kan bialtu Pastor kal chhuak ta te chuan tun thla hian naute an neih beisei a ni a, a nu leh naute hi Passport/VISA an ti fel nghal ang a, October thla tawp lamah an thawhna hmun tur Cambodia pan theih an in beisei bawk. Tunah hian BCM Office ah Platinum Jubilee lam buaipui turin an chhawr mek.
* Kan Missionary Nl.Malsawmliani lawina Rake Kohhran chu vawiin hian Union Baptist Thalai ten an tlawh. Amah a dam tha a, rawngbawlna pawh tha takin a thawk zel e.
* TKP Serchhip Unit Evangelical Cell hma lakna in tunlai hian Home visit programme neih thin a ni a, Ni. 1.8.2013 Ningani zan khan Upa C.Lalsanga (L) te inah hun hman a ni a, Programme tha tak leh hlim taka hun hman a ni.
* TKP Member Zirlai hlawhtlingte: Kan hriat theih chinah hengte hi an Zirlaia hlawhtlinna neite an ni.
1. Nl.Lalropuii    BSc. (Physics) 2nd position, Mizoram.
2. Tv.R.Lalruatmawia.      BSc. (Agri) 1st Division.
3. Tv.PC.Lalrinliana.         MA English, II Division.
4. Nl.R.Lalsiamliani.         M.Com. Ist. Division.
5. Tv.Lalzarzova.      BA,  III Division.
Tih hmaih palh ah ngaihdam kan dil e.
* Kan Senior Pastor Rev.L.Rawna chu Ni. 30.7.2013 kha a kum 70 tlinna a ni a, Pathian hnena lawmthu sawina hun an hmang. I tawngtai pui zel ang u.
* Naktuk Ni. 5.8.2013 hi Serchhip Unit BMP Day vawi 19 na a ni a, Kumina an plan pakhat, Kohhran thleng dahna siamin hnatlang an nei ang a, Hunserh hmangin Tlai lamah ruai theh a ni ang.
* Vawiin hian Pu.C.Lalngilneia, kan Missionary chuan Hartii Baptist church ah thu a sawi ang. School Naupang 170 an nei mek a, a zatve aia tam hi ringlo mi an la ni. Hosteller 38 an nei mek bawk. Kuminah Mathematics Teacher an neih loh avangin Mathematics lak tir a ni. An nu-in nau a pai ve mek a, I tawngtai pui ang u.